"காதலர்தின வாழ்த்து(காதலிகளுக்காக)"

by **கவிதைகிறுக்கன்** Tue Feb 14, 2012 1:14 pm

[You must be registered and logged in to see this link.]

ஊரெல்லாம் காதலர்தினம்;
உட்கார‌ மறுக்கும் பெண்ணின் மனம்;
அவளின் பரட்டைதலை குழந்தை
பால்வடிய நிற்குமென எண்ணி எண்ணி
புதுசாய் பொருக்கி சீலைகட்டி
மதுவாய்க்கு கொஞ்சம் சாயமிட்டு
அவசரமாய் அவள் கால்கள்
அலுவல் படிகளில்

அந்திவரை நேரம்
நரவல்காட்டு நடை பயணமாய்
நழுவி நழுவி நகர‌
கோப்புகளின் மேல் கோபப்படுவாள்;
வாத்திகளை வாய்க்குள் பொரிப்பாள்;
மணிகாட்டியின் மண்டை
கொட்டுவாங்கி கொட்டுவாங்கி
குழம்பி போகும்;

நினைவில் வந்த பெற்றவள்
குழந்தை பருவ கதைகளில்
வந்துபோன பூச்சாண்டி;
அனேகம் பேருக்கு அப்பன்கள்
அருவா தூக்கும் விருமாண்டிகள்;

சந்தித்த வேளைதனில்
கொஞ்சும் இதழில் கொஞ்சம் அஞ்சி
கொடுத்திடுவாள் மன்னிப்பு மனு
அவனின் உள்ளங்கை வியர்வையில்
உயிர்வளர்த்த ரோசாவை
கூந்தலுக்குள் பதியமிட்டு
கொரிக்கும் கடலையில்
கொஞ்சம் பங்கு கொடுப்பாள்

தோள்மீது சாய்ந்து
பக்கவகிடில் படும் விரலில்ன்
சின்ன சின்ன தொடுதலில்
குட்டிகுட்டி சுகங்களை தேடி
ரத்த அருவிகள் பிச்சை எடுக்க‌
நாள சுரப்பிகள் நலத்தை விசாரிக்க‌
நகம் கடிப்பாள்;
கடித்த நகமும் கடைவாய்க்குள் இனிக்கும்.

சூரியன் சுருங்கி உறங்க செல்ல‌
சுதாரித்துகொண்டு
அவளது புலன்கள் விலக்கி
மதுக்கின்னம் ஒன்று
அவனது கன்னத்தில் பாலுட்ட‌
பல்ளிப்பவனின் தலையை கோதிவிட்டு
பயண படுவாள்;

வழக்கமான சந்திப்பு என்றாலும்
புதுசாக்கியது தவிப்பு;
இப்படியெல்லாம்
மெல்லிய காதலில் பூபூத்து
அங்காங்கே வாழும்
தெய்வீக காதலின் தேவதைகளுக்கு
வரிகளில் என் வார்த்துக்கள்
அர்பணிப்பு... [You must be registered and logged in to see this image.]