"காதல் என்பது"

by **கவிதைகிறுக்கன்** Tue Feb 14, 2012 1:26 pm

[You must be registered and logged in to see this link.]

காதல்..;

ஆரம்ப காமம்;
ஆ......... ரம்ப சுகம்.

எதிர்பால் இரண்டு
விருப்பால் சேர‌
விரிவடைந்த மூன்றாம் பால்; [You must be registered and logged in to see this image.]

கூடியும் கூடாமல்
ஊடியும் உடையாமல்
தொடுதலில் தொடங்கி தொடரும்
வள்ளுவன் வார்த‌
இறுதி பாட்டின் எச்சம்...; [You must be registered and logged in to see this image.]

உயிர் துடிப்பில்
உள்ள உரசலில்
உணர்ச்சி ஓடையில்
உதடுகள் தள்ளும் பரிசல்;

முல்லைப் பூ காய்த்து
முகத்தில் குத்தியது போல்
முரண்களுக்குள்ளே....
முழுமை காண முயர்ச்சிப்பது;

நெருப்பில் குளிர்காய
நினைக்கும் விட்டில் பூச்சிபோல்
அதீத ஆசைகளின்
அழகிய வார்ப்பு;

கரையில் நிற்க்கும் ஓட்டை படகின்
கடல் பயண ஆசை போல்
ஆபத்தான கேள்விக்குறிகளில்
அமைக்கபட்ட விடை..;

கற்சிலைக்கு இறக்கை கட்டி
கனவுதனில் மித‌க்கவிட்டு
கற்பனையில் நீந்தி
அசதியில் ஆனந்தம் காண்பது;

அமிர்தத்திற்கு வந்த தாகத்தால்
அதனால் பிறந்த
தேவர்களை மட்டும் கொண்டு
உயிர் கடலை "உள்ள"மலையில்
உணர்ச்சி கயிற்றால் கட்டி
புதிய அருமருந்து கடையும்
தேவரகசியம்;

எழுதப்படும் உயிரிலிருந்து
எலும்புக்கூட்டு உறக்கம் வரை
பொதுவாய் இருக்கும்
ஆசையின் போதிமரம்

அழகின் ஒழுகலான காதல்;
காதல் அதன் சிசுக்களுக்கு
காதலர் தின‌
வாழ்த்துக்கள்......: [You must be registered and logged in to see this image.]