சாம்சங் எஸ் 5380 வேவ் ஒய்

[You must be registered and logged in to see this image.]

சென்ற ஆண்டின் இறுதியில் அறிமுகப்படுத்தப்பட்டு தற்போது விற்பனைக்கு வந்திருக்கும் சாம்சங் எஸ் 5380 வேவ் ஒய் மொபைல் போன், குறைந்த விலையில் நமக்குக் கிடைக்கக் கூடிய ஸ்மார்ட் போனாகும். 3.2 அங்குல திரை, வை-பி இணைப்பு, அண்மைத் தள தகவல் தொடர்பு, ஜி.பி.எஸ்., புளுடூத் 3.0., மின்னஞ்சல் தொடர்பு எனப் பல சிறப்பு அம்சங்களைக் கொண்டதாகும். இது படா ஆப்பரேட்டிங் சிஸ்டத்தில் இயங்கும் போன்.
320x480 பிக்ஸெல் திறன் கொண்ட 3.2 அங்குல டி.எப்.டி. எல்.சி.டி. திரை, 832 மெகா ஹெர்ட்ஸ் வேகத்தில் இயங்கும் ப்ராசசர், 2 எம்.பி. திறனுடன் கூடிய முழு போகஸ் வசதி கொண்ட கேமரா ஆகியவை இதில் கிடைக்கின்றன. இதன் தடிமன் 12.3 மிமீ. எடை 102.4 கிராம். 3.5 மிமீ ஆடியோ ஜாக், ஸ்டீரியோ எப்.எம்.ரேடியோ, 3ஜி, புளுடூத், வை-பி, யு.எஸ்.பி, ஆகிய இணைப்புகள் கிடைக்கின்றன. இதன் நினைவகம் 150 எம்பி. இதனை மைக்ரோ எஸ்.டி. கார்ட் மூலம் 32 ஜிபி வரை நீட்டிக்கலாம். பேட்டரி 1,200 mAh திறன் கொண்ட தாக உள்ளது.
பார் டைப் வடிவத்தில் அமைந்துள்ள இந்த போனில், வீடியோ இயக்கமும் இணைந்த 2 எம்பி திறன் கொண்ட கேமரா தரப்பட்டுள்ளது. எஸ்.எம்.எஸ்., எம்.எம்.எஸ்., இன்ஸ்டன்ட் மெசஞ்சர், இமெயில், புஷ் மெயில் ஆகிய தகவல் தொடர்பு வசதிகள் கிடைக்கின்றன. எம்.பி.3 பிளேயர், ஸ்டீரியோ எப்.எம். ரேடியோ ஆகியவையும் உள்ளன. இதன் அதிக பட்ச விலை ரூ.7,200. ஏர்டெல் சிம் கார்டுடன் இந்த போனை வாங்குவோருக்கு நிறைய சலுகைகள் தரப்படுகின்றன.

நன்றி தினமலர்