காரணம் பெண்

by **Ramajayam** Sat Feb 25, 2012 12:34 pm

மணல் வீடு
அவன் கலைக்க
அழுது நின்ற எம்மிடத்தில்
கேட்டார்கள்
ஆம்பிளை பிள்ளைக கூட
உனக்கென்ன விளையாட்டு.

கோயிலுக்கு போகும் பாதையில்
சீட்டி அடித்து
நக்கல் விட்டவனை
நோக்கி கைதூக்கிய போது
பையனுங்க அப்படிதான்
நாமதான் அடக்கமா போகணும்னாங்க

நாலுபெரியங்க
உக்காந்து பேசுமிடத்தில்
உனக்கென்ன வேலை
வாடி உள்ளே
நாங்க எல்லாம் இல்லை
அதட்டி உள்ளிழுத்தார்கள்

உட்காந்து பேசுவதில்
தம்பியும் இருக்கானே
என்றபோது
அவன் ஆம்பிள்ளை
நீ பொண்ணு என்றார்கள்.

க.இராமஜெயம்.

by **sarunjeevan** Sat Feb 25, 2012 1:16 pm

[You must be registered and logged in to see this image.]

by **அ.இராமநாதன்** Sat Feb 25, 2012 7:10 pm

தம்பியும் இருக்காணே...இருக்கானே என திருத்தவும்
-
கவிதை நல்லா இருக்கு..
-
தற்பொழுது இந்த நிலை மாறி வருகிறது..பெண்கள்
சொந்த காலில் நிற்க வேண்டும் என்ற ஏண்ணம்
வலுத்து வருவதால்...

by **கவியருவி ம. ரமேஷ்** Sat Feb 25, 2012 11:21 pm

சில கட்டுப்பாடுகள் தேவையாகத்தான் இருக்கிறது...

நாட்டிலும் சமுதாயத்திலும் சமூகத்திலும் தெருவிலும் வீட்டிலும் நட்பிலும் காதலிலும் கூட...

கட்டுப்பாடுகளைத் தவறு என்று எடுத்துக்கொள்ளக்கூடாது. நன்மைக்கே என்ற கண்ணோட்டத்தில் பார்த்தால் நல்லது

மிக்க மகிழ்ச்சி