கலைஞருடன் ஒரு கற்பனை பேட்டி

வணக்கம்.

வணக்கம்.

நீங்கள் மீண்டும் ஆட்சிக்கு வந்ததைப்பற்றி?

அது கடவுளின் விருப்பம்.

ஆனால் நீங்கள் கடவுளை நம்பாதவர் ஆயிற்றே?

ஆம். இதை நான் சொன்னது கடவுள் நம்பிக்கை உள்ளவர்களுக்கு.

ஓ. அப்படியென்றால் உங்கள் கருத்துப்படி?

என் கருத்துப்படி இது அம்மையாரின் தோல்வி.

யார் அம்மையார்?

அவர் பெயரை நான் சொல்ல விரும்பவில்லை?

செல்வி ஜெயலலிதாவா?

ஆம். அந்த அம்மையார் தான்?

ஜெயலலிதா தான் அம்மையாரா?

ஆம்.

யார் அம்மையார்?

ஜெயலலிதா. ஓ. அவர் பெயரை என் வாயாலே சொல்ல வைத்து விட்டீர்களே? இன்னிக்கு ஒரு வேலையும் நடக்காது.

அதனால் என்ன? நீங்கள் பகுத்தறிவு வாதி ஆயிற்றே?

ஆம். அந்த பகுத்தறிவில் தான் சொல்கிறேன். அந்த அம்மையாரின் பெயரை எடுத்தால் எந்த வேலையும் நடக்காது.

(படித்ததில் பிடித்தது - நன்றி தேனி)