ஒன்னாப்புப் படிக்கும்போதே
ஒன்னுமன்னா திரிஞ்சோம்!
நித்தம் தூங்கும் நேரம் மட்டுந்தான
ரெண்டு பெரும் பிரிஞ்சோம்!

ஒத்த முட்டாய் வாங்கி
அதக் காக்கா கடி கடிச்சோம்!
ஒத்துமையாச் சேந்துதான
ஒண்ணுக்குக் கூட அடிச்சோம்!

மூணாப்புல பிரிஞ்சதுக்கே
மூஞ்சி வீங்க அழுதோம்!
நட்பு எனும் கலப்ப வச்சு
ரெண்டு நெஞ்ச உழுதோம்!

என்னயடிச்ச கணக்கு டீச்சர்
கண்ணாடிய ஒடச்ச!
எங்க வீட்டு நோம்புக் கஞ்சி
உன் பூணூல் நனையக் குடிச்ச!

மனசு ஒண்ணா ஆனா பெறகு
மதத்த எங்க நெனச்சோம்?
பழனிமல பள்ளிவாசல்
ரெண்டையும் ஒண்ணா மதிச்சோம்!

நான் காச்ச வந்து கெடந்த்தப்ப
உன் வீட்டைக்கூட மறந்த!
பள்ளிக்கூடம் போகாம
என் பக்கத்திலேயே கெடந்த!

என் நாயி செத்ததுக்கே
ஏழு நாளு அழுத!
எம்மேல நீ வச்ச பாசம்
என்னன்னு நான் எழுத?

என் சைக்கிள் தொலஞ்சபெறகு
உன் சைக்கிள நீ தொடல!
நீ சைவமுன்னு தெரிஞ்சபெறகு
கவிச்சி என் நாக்குல படல!

பஞ்சம் வந்து பல்லக்காட்ட
பத்தாவதையே நான் தொடல!
நீ பன்னெண்டாவது முடிச்சபோதும்
நம்ம பந்தபாசம் கெடல!

காலேஜில எடம் கெடச்சு
கண்ணீரோட பிரிஞ்ச!
மாட்டு டாக்டர் படிப்புக்காக
மதுரையில சேந்த!

காஞ்சிபுரம் பொண்ணுமேல
காதலுன்னு சொன்ன!
அவக கண்ணப் பாத்து
பேசக்கூட தெம்பில்லாம நின்ன!

மறுநாளே கெளம்பி நானும்
மதுர வந்து சேந்தேன்!
ஒனக்குக்கூடத் தெரியாம
உன் காதல அவட்ட சொன்னேன்!

தேனாட்டம் கொரலிருந்தும்
தேனீயாட்டம் கொட்டுச்சு!
இங்கிதமே தெரியலன்னு
இங்கிலீசில் திட்டுச்சு!

வாரக் கடசி லீவுல என்
வாசக்கதவ தட்டுன!
அவ சம்மதிச்ச சேதி சொல்லி
என்னத் தூக்கி சுத்துன!

நாலுமாசம் வரைக்கும் எல்லாம்
நல்லபடியா போச்சு!
அதுக்குமேல கொஞ்சம்கொஞ்சமா
பேச்சு கொரஞ்சுபோச்சு!

படிப்ப முடிச்ச பின்னால
பழனி பக்கம் நகந்த!
ஆசப்பட்ட பொண்ணு பேர்ல
ஆஸ்பத்திரி தொறந்த!

மண்டக்குள்ள காதல் ஏற
மத்ததெல்லாம் மறந்த!
கல்யாணத்துக்குப் பெறகும்கூட
கண்டுக்காம இருந்த!

நடுவுல ஒரு பொண்ணு வந்தா
நட்பு என்ன சாகுமா?
நாக்கினிக்கப் பேசினாலும்
உன் நண்பன் போல ஆகுமா?

காதலுன்னு சொல்லும்போது
கரும்பாட்டம் இனிக்கும்!
நட்புன்னு சொல்லிப்பாரு
நரம்பெல்லாம் சிலுக்கும்!

என்னிக்காச்சும் ஒரு நாளு
என்னத் தேடி வருவ!
அதுக்குள்ள மறந்துறாத
எங்க வீட்டுத் தெருவ!


நிலவை.பார்த்திபன்

சுட்டு விட்ட விழியும்
பட்டு விட்ட பருவமும்
விட்டுப் போனபின்
புலம்பல் எதுக்கு அண்ணே!

ஸுபேரா இருக்கு அண்ணா

பார்த்திபன் கலை

வணக்கம் அண்ணா, ரொம்ப நாளா அளையே காணோம்... பிஸியாயிட்டீங்க போல...

கவிதை நன்றாக இருக்கிறது.

நண்பர்கள் என்றும் மறந்துவிடுவதில்லை... எப்போதும் நினைத்துக் கொண்டும் இருப்பதில்லை...

கவிதையில் நல்ல நினைவுகள்... பிறிதொருவருக்கும் இவ்வாறான நினைவுகள் நிச்சயம் இருக்கும்.

பணியில் இருக்கும் வேளை
பாராமுகமாய் தானிருந்திட்டேன்
பதிந்திட்ட பயனர் பெயரும்
கடவுச் சொல்லும் மறந்ததானால்
வருகை தர கருத்திட
மறந்து போனேன்!
நினைவுத்தை கூர்ந்திட
நெஞ்சம் மறக்கவில்லை
வந்திட்டேன் எந்தன் இனிய
உறவுகளைக் காணவே
அட்சயாவாக வந்திட்டேன்

இனிய நினைவுகளை
நினைக்க வைத்திட்ட எம்
இனியத் தோழருக்கு நன்றி!

நல்ல நட்பு கவிதை........

தங்கை கலை wrote:ஸுபேரா இருக்கு அண்ணா

நன்றி கலை!

கவியருவி ம. ரமேஷ் wrote:வணக்கம் அண்ணா, ரொம்ப நாளா அளையே காணோம்... பிஸியாயிட்டீங்க போல...

கவிதை நன்றாக இருக்கிறது.

நண்பர்கள் என்றும் மறந்துவிடுவதில்லை... எப்போதும் நினைத்துக் கொண்டும் இருப்பதில்லை...

கவிதையில் நல்ல நினைவுகள்... பிறிதொருவருக்கும் இவ்வாறான நினைவுகள் நிச்சயம் இருக்கும்.
[You must be registered and logged in to see this image.]

நன்றி ரமேஷ். பனிச்சுமை காரணமாகத் தோட்டத்தில் எட்டிப் பார்க்க முடியவில்லை.

தமிழ்1981 wrote:நல்ல நட்பு கவிதை........

நன்றி. நன்றி. [You must be registered and logged in to see this image.]

காதலுன்னு சொல்லும்போது
கரும்பாட்டம் இனிக்கும்!
நட்புன்னு சொல்லிப்பாரு
நரம்பெல்லாம் சிலுக்கும்!
-
[You must be registered and logged in to see this image.]

[You must be registered and logged in to see this image.]

நல்லா இருக்கு பாராட்டுக்கள்

அ.இராமநாதன் wrote:காதலுன்னு சொல்லும்போது
கரும்பாட்டம் இனிக்கும்!
நட்புன்னு சொல்லிப்பாரு
நரம்பெல்லாம் சிலுக்கும்!
-
[You must be registered and logged in to see this image.]

[You must be registered and logged in to see this image.]

நன்றிங்க ஐயா.

தமிழ்த்தோட்டம் (யூஜின்) wrote:நல்லா இருக்கு பாராட்டுக்கள்