டில்லியில் நில அதிர்வு, கட்டிடங்கள் குலுங்கின..!

by **அ.இராமநாதன்** Mon Mar 05, 2012 8:54 pm

புதுடில்லி:
டில்லியில் இன்று மதியம் லேசான நில அதிர்வு ஏற்பட்டது.
ஒரு மணி 10 நிமிடம் அளவில் சுமார் 10 வினாடிகள் நடந்த
இந்த அதிர்வு அனைவரையும் பீதிக்குள்ளாக்கியது. இந்த நில
அதிர்வு டில்லி மற்றும் இதனை சுற்றியுள்ள பகுதிகளில் நிகழ்ந்தது.
-
வட இந்திய பகுதிகளும் இதனால் பாதிக்கப்பட்டது.
உ . பி., மாநிலம் லக்னோவிலும் இந்த அதிர்வு உணரப்பட்டதாக
அங்கிருந்து வரும் தகவல்கள் தெரிவிக்கின்றன. டில்லியை ஒட்டியுள்ள
தெற்கு, நொய்டா, குர்கான், காசியாபாத், அம்பாலா, உள்ளிட்ட
பகுதிகளிலும் இந்த அதிர்வு இருந்தது. பூகம்ப ஆய்வு மையம்
இது 5 ரிக்டர் அளவாக இருந்ததாக தெரிவிக்கிறது.
-
உ .பி., ராஜஸ்தான், பஞ்சாப், அரியானா மாநிலத்திலும் , இந்த
அதிர்வு இருந்தது. இங்கு ஏற்பட்ட சேதம் குறித்த விவரம் எதுவும்
வெளிவரவில்லை. பூமிக்கடியில் 20 கி.மீட்டரில் இந்த நடுக்கம்
மையம் கொண்டிருந்ததாக வானிலை மையம் தெரிவித்துள்ளது.
-
மக்கள் வீட்டை விட்டு வெளியே வந்தனர் :
இந்த நடுக்கம் உணரப்பட்ட போது வீடு மற்றும் அலுவலகங்களில்
இருந்தவர்கள் அலறியபடி வெளியேறினர். பலரும் வீதியில் கூடி
நின்று இது குறித்து பேசி வருகின்றனர்.
-
=====================================
நன்றித தினமலர்