நூறு ...எவ்வளவு ஆச்சர்யமான எண் !! படிப்பில் நூறு வாங்கினால் எவ்வளவு கொண்டாடுகிறோம் ..வயதில் நூறு எட்டினால் எவ்வளவு மெய்சிலிர்த்து பேசுகிறோம் ..நூறு, நுற்றாண்டு எல்லாமே நம்மை அண்ணாந்து பார்க்க வைக்கிறது ..ஆகா ..நூறு.....100 இப்படி தானே எழுதுகிறோம்,பாருங்கள் பூஜியங்களின் விளையாட்டை அவை ஒன்றுக்கு முன்னிருந்தால் மதிப்பு குறைந்தும் ,பின்னிருந்தால் மதிப்பு கூடியும் தெரிகிறது !!
ஹி ..ஹி ..இது எனது நூறாவது பதிவு!!! அதான் நூறுக்கு இவ்வளோ சிறப்புரை
என் வலைப்பூவின் வாசகர்கள்,வாசித்தவர்கள் ,கருத்து தெரிவித்தவர்கள், இந்த வலைப்பூவை உருவாக்க எனக்கு இணையம் சொல்லி தந்த நண்பன் கௌதம் ,எழுத சொல்லி தந்த ஆசிரியர் மூ.இராமபாண்டியன்,கவிதைகளை முதலாவதாக வாசிக்கும்,விமர்சிக்கும என் உயிர் நண்பன் வினோத்கண்ணன்,நான் காதலித்த ,காதலிக்கும் ,காதலிக்க போகும் உயிர்கள் ,இயற்கை ,இறைவன் எல்லோருக்கும் என் பேரன்பு கலந்த நன்றிகள் !!
சக உயிர்களிடத்தில் எவனொருவன் அன்பு செலுத்துவானோ அவனே சமகால புத்தன் , சக உயிர்களிடத்து அன்பு செலுத்தும் நீங்கள் எங்கு இருந்தாலும் என் அன்பு உங்களை சூழும் .
முக்கியமாக ,என்னை பெற்று இருபது வருடங்களாக ஏன்?எதற்கு ? என்று கேட்காமல் உயிர்,உணவு,உடை,சுதந்திரம்,இருப்பிடம்,மகிழ்ச்சி எல்லாம் கொடுத்த ஏன் பெற்றோர்களுக்கே என் எல்லா நன்றிகளும் ,உங்கள் பாராட்டுகளும் போய்ச்சேரும் .ஒருவேளை நீங்கள் திட்டியிருந்தால் அது என்னையே சேரும் !
இதுவரை நான் எழுதி பழகினேன் .இனி தான் இரும்பாக எழுதுவேன், சமூகத்தில் எது சீர்கெட்டு தெரிகிறதோ அதை நேர்பட சொல்வேன்! காலனுக்கும் அஞ்சிலேன் !கரும்பாக காதலை வடிப்பேன் ,எறும்பாக அறிவை சேமிப்பேன்,படித்ததை பகிர்வேன் ,இதயம் துடிப்பதை சொல்வேன் ..நிச்சயமாக அடுத்த வருடம் இதே நாள் ...இந்த வலைப்பூவும்,அடியேனும் பேசப்படுவேன்! உங்கள் அன்பு மட்டுமே என் ஆயுதம் ..உங்கள் அன்பை மட்டும் கொடுங்கள் ..ஆசிர்வதியுங்கள்
பேரன்புடன்
நாடி நாராயணன்
என் வலைப்பூவை பார்க்க சொடுக்கவும் http://nadikavithai.blogspot.com

பாராட்டுக்கள்

இருநூறு பாராட்டுகள் நண்பரே...