உன் வாழ்க்கை உன் கையில் – சத்குரு ஜக்கி வாசுதேவ்

by **அ.இராமநாதன்** Fri Mar 09, 2012 7:42 am

-

ஒரு விவசாயி இருந்தார். இயற்கை சக்திகள் தன் பயிரை
ஆள்வதுகுறித்து துயரம் கொண்டார்.
-
ஒருநாள் அவர் சிவனை அழைத்து, “இயற்கை சீற்றங்களால்
எனக்கு மிகவும் தொல்லையாக உள்ளது. இந்த விவசாயியின்
துயரம் உங்களுக்கு புரியாது. ஏனென்றால் நீங்கள் ஒரு விவசாயி
அல்ல. ஒரு வேடன் என்று கேள்விப்பட்டிருக்கிறேன். எப்போது
மழை பெய்ய வேண்டும்? எப்போது சூரியன் வரவேண்டும்
என்று எல்லாமே எனக்கு நன்றாகத் தெரியும்.
-
வேடனும் பித்தனுமான உங்களுக்கு இந்த விஷயங்கள் எல்லாம்
புரிவது கஷ்டம்தான். எனவே இயற்கை சக்திகளை என்னிடமே
விட்டுவிடுங்கள்,”என்று வேண்டிக்கொண்டார்.
-
சிவனும் நல்ல மனநிலையில் இருந்ததால் அந்த வரத்தைக்
கொடுத்துவிட்டார். விவசாயி நன்றாக திட்டமிட்டார். சோளம்
விதைத்தார். “”மழை” என்றார். மழை பெய்தது.
ஆறு அங்குலம் நிலம் நனைந்தவுடன் “மழை நிற்கட்டும்’ என்றார்.
மழை நின்றது. நிலத்தை உழுதார். விதை விதைத்தார்.
-
இரண்டு நாட்கள் கழித்து மீண்டும் “மழை’ என்றார். பெய்தது.
“இன்று நான் வயலில் வேலை செய்ய வேண்டும். என்னவெயில்…!
வெயில் வேண்டாம், மேகமூட்டம் வேண்டும்,” என்றார்.
அப்படியே ஆனது. மிகவும் மகிழ்ச்சியானார். பசேல் என பயிரும்
வளர்ந்துவந்தது. இயற்கை எப்போதுமே விவசாயியின் கையில்
இருப்பதுதான் நல்லது என்று சொல்லிக்கொண்டார்.
-
அறுவடைக்கான நேரம் வந்துவிட்டதா என்று பார்ப்பதற்காக
சோளக்கதிர்களை தொட்டுப்பார்த்தான். மெதுவாக அதை திறந்து
பார்த்தார். ஒரு மணி சோளம்கூட இல்லை.
-
“என்ன நேர்ந்தது? வெயில் மழை எல்லாம் நான்
சரியாகத்தானே நிர்வகித்தேன். சிவனிடமே கேட்போம்,” என்று
சிவனிடம் சென்று, “”எல்லாம் சரியாக இருந்தும் ஒரு சோளம்
கூட விளையவில்லை. நீங்கள்தான் கெடுத்தீர்களா?” என்று
கேட்டார்.

“நீ செய்வதை எல்லாம் நான் பார்த்துக்கொண்டுதான் இருந்தேன்.
நீயே எல்லாவற்றுக்கும் பொறுப்பெடுத்துக் கொண்டாய். எனவே
நான் சிறிதும் தலையிட விரும்பவில்லை. மழை, வெயில் எல்லாம்
சிறப்பாகத்தான் செய்தாய். ஆனால் காற்றை முழுவதுமாக
நிறுத்திவிட்டாய்.
-
நான் நிர்வாகம் செய்தபோது அதிக வலுவான காற்றை
அனுப்புவேன். பயிர்கள் வீழ்ந்துவிடும்போல் நிலை ஏற்படும்.
அப்போது அவை தம்மை நிலைநிறுத்திக் கொள்ள வேர்களை
ஆழமாக நிலத்தில் செலுத்திக்கொள்ளும்.
-
வேர் உள்செல்வதால் பயிர் நன்றாக விளைந்து, சோளமும் வரும்.
ஆனால் இப்போது சோளக்கதிர் மட்டும் உள்ளது. சோளம் எதுவும்
இல்லை,” என்றார்.
-
எனவே உங்கள் வாழ்க்கையில் பல சூழ்நிலைகள் ஏற்படலாம்.
அவற்றைப் பயன்படுத்தி நீங்கள் வலிமை அடையலாம். அல்லது
உட்கார்ந்து அழலாம். இந்த இரண்டு வாய்ப்புகள்தான் உள்ளன.
உங்கள் வாழ்க்கையில் நடக்கும் சின்னச்சின்ன விஷயங்களைக்கூட
வெற்றிபெறும் படிக்கற்களாக மாற்றிக் கொள்ளலாம்.
-
உண்மையில் தோல்வி என்று எதுவும் கிடையாது. அது உங்கள்
எண்ணம் மட்டுமே.

பகிர்வுக்கு நன்றி ஐயா

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

உன் வாழ்க்கை உன் கையில் – சத்குரு ஜக்கி வாசுதேவ்

உன் வாழ்க்கை உன் கையில் – சத்குரு ஜக்கி வாசுதேவ்

Re: உன் வாழ்க்கை உன் கையில் – சத்குரு ஜக்கி வாசுதேவ்