நித்ர தாகம்

by **Sivajisankar** Tue Nov 23, 2010 12:57 pm

அறிவாய் பெண்ணே...
வனத்தையும் அது கொடுக்கும் பித்தையும்
பித்திலேறும் விசத்தையும்

கண்களைத் துடைத்து
எறிந்தகற்றி
உதடுகளையிறுக மூடி
உன்
சந்நிதாதனத்துக்குள் வரவிருக்கும்
இவன் பாதங்களை
உன்
பெருவிரல் கொண்டு நகர்த்துகிறாய்

காதலால் கண்ணுற்றேன் யான்
உறுமலும்
உன் நினைவு
உடுக்கையொலிக்கும் இவ்வுடலின்
இசையும்
பித்தேறிய வார்த்தைகளும்
மூச்சறியா மௌனமும்
விலங்கின் அலைச்சலும்
வலியின் ஆறாத ரணமும்
சொல்லமுடியா கனவுகளை கலைத்து ஓடும் நதியும்
பறக்கும் வண்டின் சில்லென்ற இறக்கையும்
கருகும் தசைகளும்
இறுதியாக
என்னை என் வசமின்றி என்னையே பிரிக்கச்செய்த வார்த்தைகளின் ரசமணிச்சாறும்
அர்த்தங்கள் நுரைக்க ஓடி
கடலுள் பாயும் வேகமும்
வேகத்தில் திணறும் காதலும்
எல்லாமும்
பெற்றேன்

மன்னிக்கமுடியா வார்த்தைகளை உச்சரிக்கையில்
தொண்டை எரிவதும்
மருந்தென காலப்பொய்யை வழித்து தடவுதலும்
கசியும் நீரென கண்ணீரை வழித்து எறிவதுமாய்
ஆனேன்

காதலென்பது
விட்டகலா எமனின் கால்சலங்கை சப்தமடி கள்ளியென
நானுனக்குச் சொல்ல
புன்னகையை கலீரெனவெழுப்பி
நீ
மௌனம் உறைய வாழ்தலென நீ சொல்ல

தேகம் இரு கைகளை இழந்து
வனப்பெருமரமென
நின்
பாதத்தில் சாய்கிறது

உறிஞ்சென் முத்தத்தை
உயிரை
இன்னபிற
வார்த்தை
தவம்
சொல்
சலனம்
தளும்பும் தசையென
அனைத்தையும் உறிஞ்சு

ஆகுதி
தீ
தீயென
மூளும் தீயாய்

தெறிக்கும் தீத் தாகம்
அருந்தென்னுயிரை
விருந்தென் தசை

என் காதலுனக்கு.

- வசுமித்ர...

கலக்குறீங்க சிவாஜி

by **Sivajisankar** Tue Nov 23, 2010 1:07 pm

இதை எழுதியவர் வசுமித்ர. அவரது நுட்பமான காதலின் வீச்சமும்
கவிதையின் இசை தன்மையும் பாராட்ட தக்கது..!

by **பட்டாம்பூச்சி** Tue Nov 23, 2010 1:09 pm

Sivajisankar wrote:இதை எழுதியவர் வசுமித்ர. அவரது நுட்பமான காதலின் வீச்சமும்
கவிதையின் இசை தன்மையும் பாராட்ட தக்கது..!

உங்கள் ரசனையும் அருமை பாராட்டுக்கள் அண்ணா தொடர்ந்து சுவைக்க தாருகங்கள்

by **Sivajisankar** Tue Nov 23, 2010 1:12 pm

ஆமாம் இளைய நிலா..,
சில கவிதைகள் படிக்கும் மாத்திரத்திலே ஒரு பித்து நிலை ஏற்படுத்தி விடுகிறது..

//ஒரு கவிதை என்னுள் உணர்ந்து அர்த்தம் விரியும் போது நான் பைத்தியம் ஆனால்தான் என்ன அந்த நொடி. // நேசமித்திரன்..

by **பட்டாம்பூச்சி** Tue Nov 23, 2010 1:14 pm

" longdesc="90" />

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

நித்ர தாகம்

நித்ர தாகம்

Re: நித்ர தாகம்

Re: நித்ர தாகம்

Re: நித்ர தாகம்

Re: நித்ர தாகம்

Re: நித்ர தாகம்

Re: நித்ர தாகம்