வருத்தப்பட்டு பாரஞ்சுமக்கிறவன்..

by **Sivajisankar** Tue Nov 23, 2010 1:14 pm

குரம்பை அடுத்து குடிபுக்க ஆவி வெங் கூற்றுக்கு இட்ட
வரம்பை அடுத்து மருகும் அப்போது - வளைக்கை அமைத்து
அரம்பை அடுத்து, அரிவையர் சூழ நின்று 'அஞ்சல்' என்பாய்
நரம்பை அடுத்து இசை வடிவாய் நின்ற நாயகி..!!

~ பட்டர்.

ஆயிற்று தோழி..,
காலம் ஐந்நூறு கடந்திருக்கும்..

இன்றைய இரவும் இப்படியே
தலையணை துணையோடு...

வாதைகள் பின்னிய கிளைகளிலிருந்து
வீசும் காற்றை சுவாசிப்பதான ப்ரம்மை...

களைப்புற்ற தேகமேவுங்காற்றின்
கனமேறி இருக்கிறது தோழி..

சூரிய வாடை கிழக்கே வீச துவங்கி இருக்கிறது...

அது.,

சூரியனல்ல சூரிய வேடம் தரித்த நிலா..

என் பகல் இரவுக்கு பின்னான இருள்..

இருள் நீடிக்கிறது...!

நிகழ்ந்தேறும் இச் சம்பவங்களுக்கு
சாட்சிகளில்லை கண்மணி..!

மீன்களலையும் இக் கானற்பெருங்கடலை
முன்னிறுத்திக் கூறுகிறேன்..

கேட்க.:

"வெறுமை வன்புணர் தேகத்தில்
முட்சுமந்த மீட்பனின் முகக்கறை..!

வன்ம விலங்கின் உதிரப்பசிக்கு
இரை தீர்த்த பின் - நான்
வெற்று..!

இருள் சூடேற்றும் இச்சூனிய வெளியில்
ப்ரியங்கள் மீதும் சாவின் வாசனை...!

முட்கள் மண்டிக்கிடக்கும்
இப்பெருங் கானகத்தில்.,
தன்னிச்சை கொண்டலையும்
சிங்கத்திற்கு இடமேது..?

பருவப் பாலையில்
உடல் சுமக்கும்
சிலுவைக் குறிகளை
அறுத்தெறியலாம் கண்மணி..!

இவ் வாதாமின் முதுகெலும்பே.,

வெண்ணில வெட்டுந் திறன்
இவ்வூனப்பட்ட பறவைக்கிங்கேது.?

சிறுமை யகற்றி இச்சிவனை,
வான் நீர்க்கு வருந்து பயிரெனை
உய்க்க...."

காவுகொள் நாயகி...

இம்மையில்,
என் பேர் பொறித்த
உன் பெருந்தன காம்புகளிலிருந்து,
வழியு மென் கண்ணீர்..!

மறுமையில்,
நானுனக்கு,
தொப்புள் கொடியாவேன்..!

ஆமென்...!

by **பட்டாம்பூச்சி** Tue Nov 23, 2010 1:20 pm

by **rajeshrahul** Tue Nov 23, 2010 1:40 pm

by **jeba** Wed Nov 24, 2010 5:04 pm

நீண்ட நாட்களாக தங்களை காண வில்லை......... மீண்டும் வந்து இணைந்தமைக்கு வாழ்த்துக்கள்...........உங்கள் படைப்புக்களை தொடருங்கள்......... :héhé:

jeba wrote:நீண்ட நாட்களாக தங்களை காண வில்லை......... மீண்டும் வந்து இணைந்தமைக்கு வாழ்த்துக்கள்...........உங்கள் படைப்புக்களை தொடருங்கள்......... :héhé:

:héhé:

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

வருத்தப்பட்டு பாரஞ்சுமக்கிறவன்..

வருத்தப்பட்டு பாரஞ்சுமக்கிறவன்..

Re: வருத்தப்பட்டு பாரஞ்சுமக்கிறவன்..

Re: வருத்தப்பட்டு பாரஞ்சுமக்கிறவன்..

Re: வருத்தப்பட்டு பாரஞ்சுமக்கிறவன்..

Re: வருத்தப்பட்டு பாரஞ்சுமக்கிறவன்..

Re: வருத்தப்பட்டு பாரஞ்சுமக்கிறவன்..

Re: வருத்தப்பட்டு பாரஞ்சுமக்கிறவன்..