விளையாட்டு மைதானம்
வெயில் வாட்டும் நேரம்
வேப்பமர காற்று
வெப்பம் தீர அணைத்தது ;
அவப்போது அதன் மூக்குத்தி
பூ பொழிந்தது; மனம் குளித்தது;

விரும்பாத தனிமை
விடுமுறைக்கு போன நண்பர்கள்
நினைவை கொடுத்தது ;

என் நண்பர்கள்
விடுதிக்கு வந்த அன்று
தனிமை கொடுந்தி அணைக்க
குளிர் போட்டவர்கள்; தோள்மீது
நய்யாண்டி சிரிப்பில்
நல்வரவு பெற்ற நட்பு
முனியாண்டி உணவாக
விருந்து வரை பரந்து வளர்ந்து;

காலையில் கண்விழிக்கும்
குளிக்கசொல்லி கெஞ்சும்
மணியடிக்கும் கடிகாரம்
எங்கள் கோபத்திற்கு அஞ்சும்;

கல்லூரிக்கு போனாலும்
கழுத்தறுக்கும் வாத்தியார் வகுப்பை விட்டு
கண்மறைவில் ஓடி
உணவாக உள்ளரங்கில்
பொதுக் கூட்டம் போட்டிடுவோம்
நாளைவரும் தலைவர் படத்துக்கு
பால் ஊத்துவதா? மாலை போடுவதா ?

திரையரங்கு அமைதி
எங்களை பார்த்து திமிர்முரிக்கும்
தலைவர் பேசின வசனம்
எங்கள் விசிலில் எதிரொலிக்கும்;

பிறந்த நாள் வந்துவிட்டால்
நண்பன் வாங்கித்தரவேண்டும் சரக்கு
இது எங்கள் இளமையின்
மாத்த முடியாத கிருக்கு;

அழகான பெண்கள் அணிவகுத்து வந்தால்
நாக்கு உதட்டை தொட்டுவிட்டு செல்லும்
அலங்கார அழகை பார்க்க
பேருந்து கொட்டகையை
கால்கள் குத்தகை எடுக்கும்;

ஒட்டடை படிந்த அறைக்குள்ளே
துவக்கத துணி மூட்டைக்கு மேலே
தூங்கி எழுந்திரிப்போம்;
குளிக்காம இருந்த சாதனைக்கு
கொண்டாடிடுவோம் வெள்ளி விழா;
கை பந்து, கால்பந்து,
மாசத்துக்கு ஒருமுறை
மட்டை பந்து; கொஞ்ச
நாளைக்கு ஒருமுறை
கூடை பந்து;
வெளையாட போனா எங்களுக்கு
வெற்றி மட்டும் ;
துண்டு சிட்டு இல்லாம
நான் எழுதிய தேர்வு
நாள்காட்டியின் நடு
பக்கத்தில் குறிக்கப்படும்;
துண்டு கட்டிகுளிதுவந்தவனின்
உள்ளாடை இருப்பு
உருவி விட்டு அறியப்படும்;

கல்லுரி கட்டணம் அப்பாவிடம்
ஆயிரம் அதிகமாக வசூலிக்கப்படும்;



குளிக்காதவன்,குடிகாரன் ,
படிக்காதவன், படிப்பாளி,
நோஞ்சான்,தடியன்,
நல்லவன், கெட்டவன்,
எல்லோருமே மகிழ்ச்சியின்
பிள்ளைகள் எங்கள் கூட்டத்திலே!


வரையறுக்க வரிகளில் அடங்கா
வருணனைகள் இருந்தாலும்
இரண்டே வரிகளில் எங்க பசங்க

உயிருக்கே உயிர்
நட்பு;
அந்த நட்புக்கே உயிர் கொடுக்கும்
"பாசக்காரங்க"
[You must be registered and logged in to see this image.]