மிரட்டல்......

by **கவிதைகிறுக்கன்** Tue Nov 23, 2010 2:57 pm

கவிதைக்கு கடுப்பாகி விட்டது
கண்களும் பூத்து போய்விட்டது
கடைசியாய் விடுக்கிறேனடி
காதல் தூது அல்ல‌
கடுமையான மிரட்டல்

காதலை ஏற்று கொள்ளடி
கொள்ளாமல் கொல்லாதே
நானே இற‌ந்து விடுவேன்
காதலை ஏற்றுக்கொள்

இல்லையேல்..........

நீ சுருட்டி போட்ட‌
முடியில்
சுருக்கு போட்டு செத்துவிடுவேன்

விஷமமான மொழி பேசும்
விழிகளில்
விஷம் குடித்து செத்துவிடுவேன்

கடுமையாய் வதைக்கும் உன்
கன்னக்குழியில்
விழுந்து நான் செத்துவிடுவேன்

வளைந்து வழிமறிக்கும்
புருவங்களில்
வெட்டு பட்டு செத்துவிடுவேன்

ஓயாமல் நீ கடிக்கும்
நகத்தில்
நான் நசுங்கி செத்துவிடுவேன்

ஈரமே இடமாய் கொண்ட‌
இதழில்
இடிக்க பட்டு செத்துவிடுவேன்

இவ்வாறு எல்லம்
இற‌க்கவில்லை என்றால்
இன்றுவரை என் மேல்

இரக்கமே கொள்ளாத‌
இதயத்தில்
புதைந்து செத்துவிடுவேன்

இது மிரட்டல் மட்டுமல்ல‌
என் நெஞ்சின் உருத்தல்..