அமெரிக்க கதை கூறி மனிதநேயத்தை விளக்கிய முதல்வர்

by **அ.இராமநாதன்** Mon Apr 16, 2012 3:36 pm

போலீஸ் அகடமியில்நடந்த நிகழ்ச்சியில் முதல்வர் ஜெயலலிதா
பேசியதாவது:

-
சட்டம் ஒழுங்கை பராமரிக்கும்போது சட்டம் மனித சேவைக்காக
உருவாக்கப்பட்டது தான் என்பதை போலீசார் மனதில் கொள்ள
வேணடும். மனிதநேயத்தை மறந்து சட்டப்படி நடப்பது சரியாக
இருக்காது.

இதை ஆபிரகாம்லிங்கன் அமெரிக்க ஜனாதிபதியாக இருந்த போது
நடந்த ஒரு நிகழ்வு மூலம் உங்களுக்கு எடுத்து கூற விரும்புகிறேன்.

வில்லியம் ஸ்காட் என்ற கடமை தவறாத ராணுவ வீரன். அமெரிக்க
ராணுவத்தில் பணியாற்றி வந்தான். அவனுடன் பணிபுரியும் நண்பனுக்கு
ஒரு நாள் உடல் நலம் சரியில்லை. ஆனால், அவனுக்கு அன்று,
பகல் நேரத்தில் காவல் காக்க வேண்டிய பணி. அவனுக்காக இரக்கப்பட்ட
ஸ்காட், தன் நண்பனுக்கு பதிலாக தானே காவல் காக்கும் பணியை
செய்தான்.

அன்று இரவும் ஸ்காட்டே பணிபுரிய வேண்டும் என்றதும், தொடர்ந்து
கண் விழித்ததால் தூக்கம் வரும். கடமையை சரிவர செய்ய முடியாது
என்று கூறி வேறு யாரையாவது பணி அமர்த்துமாறு உயர் அதிகாரிளிடம்
ஸ்காட் கேட்டார். கண்டிப்புக்கு பெயர் பெற்ற மேல் அதிகாரி அதை
ஏற்கவில்லை.

வேறு வழியில்øலாமல் இரவு பணியை மேற்கொண்ட ஸ்காட், ஒரு
கட்டத்தில் கண் சொக்கினான். அப்போது மேற்பார்வையிட வந்த அதிகாரி
ஸ்காட் தூங்குவதாக மேல் அதிகாரிகளுக்கு தகவல் கொடுத்தார். எல்லை
பாதுகாப்பு பணியின் போது தூங்கும் வீரர்களுக்கு மரண தண்டனை
வழங்கப்படுவது வழக்கம் அதன்படி 24 மணி நேரத்தில் ஸ்காட்டை சுட்டு
கொல்ல உத்தரவு வந்தது.

இந்த தண்டனையை ரத்து செய்யும் அதிகாரம்
அமெரிக்க ஜனாதிபதிக்கு தான் உண்டு. உண்மையான ராணுவ வீரரான
ஸ்காட்டை காப்பாற்ற வேண்டும் என்ற கோரிக்கை ஆப்ரகாம் லிங்கனிடம்
வைக்கப்பட்டது. அதற்கான உத்தரவு அன்று இரவே பிறப்பிக்கப்பட்டது.
வாஷிங்டனில் இருந்து புறப்பட்டு சென்று ஸ்காட்டை ஆப்ரகாம்லிங்கன்
பார்த்தார்.

ஸ்காட்டின் தோளில் கை போட்டு நீ நாளைக்கு சாகப்போவதில்லை.
நாட்டை காக்க போகிறாய் என்று அவர் கூறினார். மேலும் நான்
வாஷிங்டனில் இருந்து இங்கு வந்து போனதற்காகன செலவை நீ தான்
கொடுக்க வேண்டும் என்று அவர் ஸகாட்டிடம் கூறினார்.

இதற்கு என் வங்கி கணக்கில் கொஞ்சம் பணம் உள்ளது. நிலத்தை
அடமானம் வைத்து கொஞ்சம் கடன் வாங்குவேன். சம்பளத்தேதி வரை
பொறுத்திருங்கள். சம்பளத்தையும் சேர்த்து மொத்த செலவையும் கொடுத்து
விடுகிறேன் என ஸ்காட் ஜனாதிபதியிடம் கூற ஸ்காட் அப்படியே
செய்வதாக ஜனாதிபதிக்கு உறுதிமொழி அளித்தார்.

இவ்வாறு முதல்வர் ஜெயலலிதா குட்டி கதை கூறி மனிதநேயத்தை எப்படி
பயன்படுத்த வேண்டும் என விளக்கினார்.

=============================================
நன்றி: கலைமகள்

பகிர்வுக்கு நன்றி ஐயா

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

அமெரிக்க கதை கூறி மனிதநேயத்தை விளக்கிய முதல்வர்

அமெரிக்க கதை கூறி மனிதநேயத்தை விளக்கிய முதல்வர்

Re: அமெரிக்க கதை கூறி மனிதநேயத்தை விளக்கிய முதல்வர்