நடைப் பிணங்கள்

by **கவியருவி ம. ரமேஷ்** Sun May 06, 2012 9:49 am

அடிப்பட்டுத் துடிக்கிறான்
எல்லோரும் விரைகிறார்கள்
அவரவர் அலுவலுக்கு...
ஒரு நடைப்பிணம்
அருகில் சென்றது
நகை பணம்
அபகரித்துச் சிரித்தது
சைரன் ஒலி கேட்ட போது
மெதுவாக
அவன் உயிர்
பிரியத் தொடங்கியது.

by **vinitha** Sun May 06, 2012 10:09 am

இதுதான் இப்போதைய நிலை அண்ணா

by **அ.இராமநாதன்** Sun May 06, 2012 10:17 am

வாழ்வின் யதார்த்தம் என்பது இதுதான்..
-
ஒரு நகைச்சுவை:-

வேலையில்லா பட்டதாரி, வேலை தேடி களைத்துப் போய்
வரும்போது ரோட்டில் ஒருவன் அடிபட்டு இறந்து விடுவான்..
-
கூடிய கூட்டத்தில் அவனைப் பற்றித் தெரிந்தவர்,அவர்
எந்தக் கம்பெனியில் என்ன வேலையிலிருந்தவர்
என்பதை அனுதாபத்தோடு சொல்வார்.
-
அதைக்கேட்டதும், அந்தக் கம்பெனிக்கு போய்
வேலை கேட்பான். மேனேஜர் வேலை காலி இல்லை
என்ற வழக்கமான பதிலைச் சொல்லும்போது,
'இல்லை சார், ஒரு வேலை காலியாயிருக்கு...'
என்று விபரம் சொல்வான்.
-
இது ஒரு திரைப்படத்தில் நகைச்சுவையாக
வந்தது..
அந்து எந்தப் படம்?