அழியுமினம் தமிழினமே!

by **yarlpavanan** Tue May 08, 2012 9:10 pm

இந்தியா, இலங்கை இரண்டுமே
ஒரே நிலப்பரப்பாயிருந்த
குமரிக்(லெமூரியா)கண்டத்தில்
சைவமும் தமிழும் தான்
தொடக்கத்தில் காணப்பட்டதாமே!
இந்தியா, இலங்கை இரண்டும்
கடற்கோளால்(சுனாமியால்) துண்டுபட்டும்
சைவமும் தமிழும் தான்
மங்காமல் பேணப்பட்டதாமே!
சித்தார்த்த(புத்த)னின்
நல் வழிகாட்டலை விரும்பியே
சோழ மன்னன் ஆட்சியில் தான்
இந்தியாவில் தமிழர்
பௌத்தத்தைக் கடைப்பிடிக்க முயன்றனரே!
குமரிக்(லெமூரியா)கண்டமீன்ற
இந்தியா அண்ணன் என்றால்
இலங்கை தம்பி போல
இலங்கையரும்
பௌத்தத்தைக் கடைப்பிடித்தனரே!
இந்தியாவில் ஆரியம்
தான் தோன்றித்தனமாக நுழைய
பௌத்தத்தை விரும்பியோர்
சிங்களத்தாலே தான்
பௌத்தத்தைப் பின்பற்ற வேண்டியுமிருந்ததே!
அண்ணன் மாறினால்
தம்பி என்ன செய்வான்?
இலங்கையிலும்
சிங்களத்தாலே தான்
தமிழர் பௌத்தத்தைப் பின்பற்றலாயினரே!
இலங்கையில்
சிங்களத்தாலே பௌத்தத்தைப் பின்பற்றிய
தமிழர் சிங்களவரானது போல
இந்தியாவிலும் பாரும்
தமிழிலிருந்து பிரிந்த மொழிகளால் ஆன
மலையாளி, தெலுங்கர், கன்னடத்தார் என
தமிழர் மாறிவிட்டனர் போலும்!
இன்றைய நிலையில்
இலங்கையில் தமிழர்
சிங்களவராலும்
இந்தியாவில் தமிழர்
மலையாளியாலும்
தெலுங்கராலும் கன்னடத்தாராலும்
துன்புறுவதைப் பார்த்தால்
தமிழராலே
தமிழர் அழிவதாகத் தெரிகிறதே!
நான் நினைக்கின்றேன்
உலகெங்கும்
தமிழர் தான் வாழ்ந்திருப்பார்கள்...
உலகத்தையே
தமிழர் தான் ஆண்டிருப்பார்கள்...
எப்படியிருந்தும்
மதம் மாறியோ மொழி மாறியோ
தமிழரே தமிழராலே அழிந்து
தனக்கென்று
நாடு ஒன்று இன்றியே
அழியுமினம் தமிழினமாச்சே!

by **vinitha** Tue May 08, 2012 11:39 pm

தமிழினத்தின் நிலை
தமிழ் உனைவோடு எழுதி உள்ளீர்கள் சூப்பர் [You must be registered and logged in to see this image.]

by **கவியருவி ம. ரமேஷ்** Wed May 09, 2012 9:58 am

கவிதைக்குப் பாராட்டுகள்...

உண்மைதான் தமிழர்கள்தான் பல விதங்களில் தன் சுயத்தை இழந்தும் அழித்தும் அழிந்தும் கொண்டிருக்கிறார்கள்...

“திரைகடல் ஓடியும் திரவியம் தேடு” என்று முன்னோர்கள் சொன்னது தப்பாப்போச்சு போல

by **தமிழ்1981** Wed May 09, 2012 11:52 am

"தமிழராலே
தமிழர் அழிவதாகத் தெரிகிறதே!"
உண்மைத் தான் ..... முதலில் தமிழினத்தை அழிப்பது தமிழர் தான்....... அருமையான கவிதை

by **அ.இராமநாதன்** Wed May 09, 2012 12:05 pm

சென்னை மாநித்தை தமிழ்நாடு மாநிலமக மாற்றி விட்டோம்
அதே போல திராவிட பாரம்பரியம் என்ற கோஷத்தையும்
மாற்றி தமிழர்களை முன்னேற்றுவோம் என்ற கொள்கையை
முன்னிறித்தினால், இந்த அவலம் குறைய வாய்ப்பு இருக்கலாம்..!!