பவர்கட் - ஒரு பக்க கதை

by **அ.இராமநாதன்** Fri May 18, 2012 11:24 am

-
இந்த வருஷம் ஸம்மர் லீவுல சென்னையைவிட்டு
வேறெந்த ஊருக்கும் போக வேண்டாம். ஊட்டிக்கு
வேணா ஒரு வாரம் போயிட்டு வருவோம் என்றான்
வினோத்.

”என்னடா சொல்றே? ஸம்மர் லீவு வந்துட்டா உடனே
மதுரையில இருக்கிற சித்தி வீட்டுக்குப் போகணும்
திருநெல்வேலியில் இருக்கிற தாத்தா, பாட்டியை போய்
பார்க்கணும்னு அடம் பிடிப்பே. இப்ப அங்கெல்லாம்
போக வேண்டாம்னு சொல்றியே, ஏன்?”
அப்பா சுந்தர் கேட்டார்.
-
”சென்னையில மட்டும்தான் ஒரு நாளைக்கு ரெண்டு
மணி நேரம் பவர்கட். அதனால் அந்த ஊர்ல போய்
ஜாலியா நிம்மதியா இருக்க முடியாது.
சித்தி வீட்டுல, தாத்தா வீட்டுல வேணா நம்ம
சென்னைக்கு வந்து நிம்மதியா இருந்துட்டுப்
போகட்டும்” என்றான் வினோத்
-
”பவர்கட் குழந்தையை எவ்வளவு பாதிச்சிருக்கு
பார்த்தீங்களா? ” என்று கணவனைப் பார்த்துக்
கேட்டாள் சாந்தி.
-
=========================================
>எஸ்.முகம்மது யூசுப்
நன்றி: குமுதம்