தேர்வின் தோல்விகள் உங்கள் தவறல்ல.

by **veluchamy** Wed May 23, 2012 9:39 am

தேர்வில் பின்தங்கிய மாணவர்களுக்கு , இது உங்களுக்குக் கிடைத்த தோல்வியல்ல, மனனம் செய்வபர்களுக்கு கிடைத்த வெற்றியே.. உங்கள் திறமைகள் இன்னும் பரிச்சயிக்கப்படாமலேயே உள்ளது. அதற்கான களத்தை ஏற்படுத்திக்கொடுக்க நம் கல்விமுறை தவறியிருக்கிறது.. நீங்கள் பின்தங்கியதன் காரணம் உங்கள் இயலாமையோ முயலாமையோ அல்ல புரிவீர். ஒட்டிய மண்ணைத்தட்டித் துடைத்துவிட்டு விழுந்த இடத்திலிருந்து எழுங்கள் . உங்கள் திறமைக்கான துறையத்தேர்ந்தெடுத்து முன்னேறுங்கள். ஊர் ஆயிரம் சொல்லும் உறவினர் ஆயிரம் சொல்லுவர். உங்கள் எண்ணங்களை உங்கள் பெற்றவர்களுக்குப் புரியவைத்து,சம்மதம் பெற்று, உங்கள் இலக்கிற்க்காக உழைக்கத்தொடங்குங்கள். வெற்றி உங்களுக்கே. அப்போது திரும்பிப் பார்ப்பீர்களானால் இன்று அடைந்த தோல்வியின் சுவடுகள் இடம் தெரியாமல் மறைந்திருக்கும்.... தேர்வின் தோல்விகள் உங்கள் தவறல்ல. 547349_371507166239841_100001416821172_1021086_1049300823_n

தேர்வின் தோல்விகள் உங்கள் தவறல்ல. 547349_371507166239841_100001416821172_1021086_1049300823_n

காலையில் வாசித்த வருத்தமிகு செய்தி
*******************************
தேர்ச்சி பெற்றும் எதிர்பார்த்த மதிப்பெண் கிடைக்காததால் மாணவி தீக்குளிப்பு
[ செவ்வாய்க்கிழமை, 22 மே 2012, 01:14.34 PM GMT +05:30 ]
பிளஸ்டூவில் தேர்ச்சி அடைந்தாலும் மதிப்பெண்கள் குறைவாக பெற்றதால் கடும் வருத்தமடைந்த மாணவி ஒருவர் தீக்குளித்து விட்டார். உயிருக்கு ஆபத்தான நிலையில் அந்த மாணவி மதுரை அரசு மருத்துவமனையில் சிகிச்சை பெற்று வருகிறார்.
பிளஸ்டூ தேர்வு முடிவுகள் இன்று வெளியானது. பரமக்குடியைச் சேர்ந்த ஷர்மிளா என்பவரும் பிளஸ்டூ தேர்வு எழுதியிருந்தார். இவர் அரசு பெண்கள் மேல்நிலைப்பள்ளியில் படித்தார்.

இன்று காலை ரிசல்ட்டைப் பார்த்த அவர் அதிர்ச்சி அடைந்தார். பரீட்சையில் அவர் தேர்வடைந்திருந்தாலும், 711 மதிப்பெண்கள் மட்டுமே பெற்றதால் கடும் வருத்தமும், ஏமாற்றமும் அடைந்தார்.

இதையடுத்து வீட்டுக்கு விரைந்து வந்த அவர் தீக்குளித்து விட்டார். உடல் கருகிய நிலையில் அவரை உடனடியாக மதுரைக்குக் கொண்டு சென்று அரசு மருத்துவமனையில் சேர்த்துள்ளனர். அங்கு அவருக்கு தீவிர சிகிச்சை அளித்து வருகின்றனர்.