மரபணுத் தாக்கமுள்ள 21 மார்பகப் புற்றுநோய்களை விஞ்ஞானிகள் கண்டுபிடித்து அவற்றை மார்பகக் கலங்களில் ஏற்பட்ட மாற்றங்களை வரிசைப்படுத்தினர். இது இந்நோயை முன்பே கண்டுபிடித்து எதிர்காலத்தில் விளைதிறன் மிக்க சிகிச்சைகளை மேற்கொள்ள உதவுமெனக் கூறப்படுகின்றது.

இந்த ஆய்வானது புற்றுநோய் எவ்வாறு உருவாகின்றதென்ற மரபணு வரலாற்று விபரங்களைத் தருகின்றதோடு மரபணு மாற்றங்களைக் கண்டுகொள்ளவும் உதவுகின்றது.

மார்பகப் புற்று நோயால் 450000 பெண்கள் வருடாவருடம் உலகெங்களிலும் இறக்கின்றனர். இதைவிடவும் கடந்த 3 தசாப்தங்களில் இவற்றின் பாதிப்பு இரண்டு மடங்காகியுள்ளது. 1980களில் 641000 என்ற தொகை 2010இல் 1.6 மில்லியனாக அதிகரித்துள்ளது.

விஞ்ஞானிகள் குழு 21 மார்பகப் புற்றுநோய்களின் மரபணுக்களை ஒழுங்குபடுத்தி அனைத்து மாற்றங்களையும் வரிசைப்படுத்தினர். இதன்படி ஓர் எழுத்து இன்னொரு எழுத்தாக மாறுவதை 5 பாரிய செயற்பாடுகள்மூலம் கண்டுபிடித்தனர். மரபணுக் குறியீடுகள் A,C,G,T என்ற 4 எழுத்துக்களில் வருகின்றது.

இதிலுள்ள சுவாரசியாமான கண்டுபிடிப்பு என்னவெனில் இவற்றில் ஒரு செயற்பாடு மரபணு மாற்றம் செய்யப்பட்ட பகுதிகளின் சிறிய பைகளினால்தான் பிரித்தறியப்படுகின்றன.

இத்திடீர் மாற்றங்கள் வழமையாக மார்பகப் புற்றுநோய்களில் காணப்படுகின்றன. எனினும் இந்த மாற்றங்களை விஞ்ஞானிகள் சரியாகக் கண்டறியாதபோது இக்கலத்தின் வழமையான செயற்பாடாக மாற்றம் ஏற்படுவது உள்ளதென நினைக்கின்றனர்.

பல வருடங்களாக மார்பகக் கலங்களில் உருவாகும் இவ்வகையான மாற்றங்கள் ஆரம்பத்தில் மெதுவாகவும் பின்னர் மரபணுச் சிதைவு அதிகரிக்கும்போது பெரியளவிலும் உருவாகின்றது என்பதைக் கண்டனர். இந்தளவில் இது குணப்படுத்தமுடியாதளவிற்கு மாறிவிடுகின்றது என்கின்றனர் ஆய்வாளர்கள்.

இவற்றின் விளைவுகளைக் கொண்டு மார்பகப் புற்றுநோய் எவ்வாறு உருவாகின்றதென்பதையும் அதற்கு இன்னும் விளைதிறனாக எவ்வாறு சிகிச்சையளிக்கலாமென்பதையும் விளங்கிக்கொள்ளலாமென நம்புவதாக மேலும் விளக்குகின்றனர் ஆய்வாளர்கள்.