Flame என்று அழைக்கப்படும் மூன்றாவது பாரிய கணினி வைரஸ் மத்திய கிழக்கிலுள்ள ஆயிரக்கணக்கான கணினிகளில் கண்டுபிடிக்கப்பட்டுள்ளது.

இது 2010இல் ஈரானின் அணுவாயுத நிகழ்ச்சிநிரலைத் தாக்கிய Stuxnet வைரசிற்கும் அதன் தரவுகளைத் திருடும் உதவியாளான Duqu என்ற வைரசிற்கும் பின்னர் மூன்றாவதாகக் கண்டுபிடிக்கப்பட்டுள்ளது. Duqu என்பது Star Wars திரைப்படத்தில் வரும் வில்லனின் பெயரைக் கொண்டதாகும்.

இந்த Flame வைரசானது சாதாரண கணினி வைரஸ்களைவிடவும் 100 மடங்கு மிகவும் சிக்கலானதாகும். இது தகவல்களைத் திருடுவதற்கென்றே வடிவமைக்கப்பட்டுள்ளது. இதனால் மைக்ரொபோன்களைக்கூடச் செயற்பட வைத்து உரையாடல்களைக் கேட்கமுடியும்.

இவ்வாறான வைரசினைக் கண்டுபிடிக்கவேண்டுமெனில் அதற்கு ஒரு நாட்டின் உதவிதான் தேவைப்படும். Stuxnet வைரஸ் அமெரிக்காவால்தான் உருவாக்கப்பட்டதென்று பல பாதுகாப்பு நிபுணர்கள் தெரிவிக்கின்றனர்.

ஆனால் எல்லாவற்றையும்விடவும் மிகவும் சிக்கலானதாக Flame வைரஸ் காணப்படுகின்றதென Kaspersky ஆய்வுகூடத்தின் மூத்த ஆய்வாளர் Roel Schouwenberg கூறினார்.

5 வருடங்களுக்கு இந்த வைரசினைக் கண்டுபிடிக்கமுடியாமல் இருந்ததென்றால் எமக்குத் தெரியாத வேறு நடவடிக்கைகளும் இடம்பெற்றுவந்திருக்கின்றன என்றுதான் முடிவிற்கு வரவேண்டியுள்ளது என்றார் அவர்.

மொஸ்கோவைத் தளமாகக் கொண்ட ரஷ்ய ஆய்வாளரான Eugene Kaspersky இன்கீழ் செயற்பட்டுவரும் நிறுவனமானது Suxnet மற்றும் Duqu இனைச் சுற்றியுள்ள பல புதிர்களைத் தீர்த்தது.

எனினும் தற்போதுதான் Flame இன் செயற்பாடுகளைத் தாங்கள் விளங்கிக்கொள்ளத் தொடங்கியிருப்பதாக Kaspersky இன் ஆய்வாளர்கள் தெரிவிக்கின்றனர்.

இதன் ஆய்வின்படி ஈரானில்தான் பாரியளவு பாதிக்கப்பட்ட கணினிகள் உள்ளதாகவும் இதனைவிடவும் இஸ்ரேலின் பலஸ்தீனப் பகுதிகள், சூடான் மற்றும் சிரியாவிலும் இவை காணப்படுகின்றன.

ஈரானின் யுரேனிய உற்பத்திப் பகுதியைத் தாக்கிய இந்த வைரஸ் Suxnet இன் அளவைவிடவும் 20 மடங்கு அதிகமான பரிபாசைகளைக் கொண்டுள்ளதாகவும் அதன் மைய அணுஉலைகளைச் செயற்படவிடாமல் தடுத்ததாகவும் கூறப்படுகின்றது.

இது வழமையான வைரசினைவிடவும் 100 மடங்கு வலிமை மிக்கதென்று Kaspersky நிறுவனம் தெரிவிக்கின்றது.

இதனால் தரவுக் கோவைகளைச் சேகரிக்கலாம், தொலைவிலிருந்து கணினி ஒழுங்குகளை மாற்றலாம், கணினியின் மைக்ரோபோன்களை முடுக்கிவிட்டு உரையாடல்களைப் பதியலாம், திரையிலுள்ளவற்றைப் படமெடுத்து உடனடிச் செய்திகளைப் பார்க்கலாம்.

இந்த வைரஸ் முன்பு வெளிவந்த இரு வைரஸ்களையும் வெளியிட்ட அதே நாட்டினால்தான் உருவாக்கி விடப்பட்டிருக்கவேண்டும் என்கின்றது இந்த நிறுவனம்.