கமலுக்கு ரஜினியின் கண்ணீர் பரிசு!

by **ருக்மணி** Sat Jun 16, 2012 5:01 pm

[You must be registered and logged in to see this image.]

கமலுக்கு ரஜினியின் கண்ணீர் பரிசு!

ரஜினி ஒரு பிரபல ஓவியரிடம் தனது மனதில் தோன்றிய எண்ணத்தைச் சொல்லியிருக்கிறார். கலைத் தாய் கமலைத் தன் தோளில் தூக்கிக்கொண்டு சிரஞ்சீவி, மோகன்லால், விஷ்ணுவர்தன், ரஜினி, அமிதாப் பச்சன் ஆகியோரைத் தன் கைப்பிடித்து அழைத்துச் செல்வது போன்ற ஓவியத்துக்கு உயிர் கொடுப்பதுதான் ரஜினியின் திட்டம். குழந்தை உடலில் இவர்களது இளமைக் காலத் தத்ரூப முகங்கள் வர வேண்டுமென்பது மாஸ்டர் பிளான். கமலுக்கு இந்த ஓவியம்பற்றிய தகவல் சென்றுவிடக் கூடாது என்று கண்டிப்பான உத்தரவிட்டிருக்கிறார் ரஜினி. 30 இஞ்ச் அகலமும், 40 இஞ்ச் உயரமுமாக உள்ள இந்த ஓவியம் முழுமையடைந்தபோது ரஜினி முகத்தில் பரம திருப்தி.

கமலுக்கு இந்த அன்புப் பரிசை அனுப்பி இருக்கிறார் ரஜினி. பார்சலைப் பிரித்து ஓவியத்தைப் பார்த்த கமல் நெகிழ்ந்துவிட்டார். சில நிமிடங்கள் ஓவியத்தை உற்றுப்பார்த்தவர் கண்களில் மெல்லிய கண்ணீர்த் திரை. உடனே, ரஜினியைத் தொடர்பு கொண்டார் கமல். ''ஹாய் கமல், எப்டி எப்டி? நல்லா இருந்துச்சா? ஆர் யூ ஹாப்பி?'' என்று ஆர்வமும் எதிர்பார்ப்புமாக விசாரித்திருக்கிறார். நெகிழ்வும் மகிழ்வுமாகப் பதில் வார்த்தைகளை உதிர்த்திருக்கிறார் கமல்.

''சிவாஜி, நாகேஷ் இவங்க ரெண்டு பேர் படம்தான் இதுவரை என் ஆபீஸ்ல மாட்டியிருக்கேன். இனி, ரஜினியின் இந்தப் பரிசுக்கும் என் ஆபீஸ்ல ஓர் இடம் நிரந்தரம்!'' என்று மனம் திறந்திருக்கிறார். உயிரைக் குழைத்து வரைந்த அந்த ஓவியம் ரஜினி - கமலின் நட்பின் நினைவுச் சின்னமாக கமலின் அலுவலகத்தில் மின்னிக்கொண்டு இருக்கிறது!

by **அ.இராமநாதன்** Sat Jun 16, 2012 5:15 pm

சூப்பர் ஸ்டாருக்கும் கலைஞானி கமலுக்கும் உள்ள
நட்பு ஊரறிந்த விஷயம்.

தொழிலில் இருவரும் கடும் போட்டியாலர்களாயிருந்தாலும்
ஒருவர் மீது ஒருவர் வைத்திருக்கும் அன்பும், பாசமும்
இன்றைய நடிகர்கள் கவனிக்கவேண்டியது கற்றுக்கொள்ள
வேண்டியது.

ஒரு உற்ற நண்பனாக கமலின் பல இக்காட்டன தருணங்களில்
ரஜினி உடனிருந்திருக்கிறார். அவருக்கு ஒரு MORAL SUPPORT
போன்று செயல்பட்டிருக்கிறார்.