"பாடை"

by **கவிதைகிறுக்கன்** Sat Jun 30, 2012 3:48 pm

பாடை

ஒரு பள்ளி கூடம்;

ஒவ்வொருவரையும் ஒவ்வொரு நாளும்
சுள்ளிதோட்டம் சுமந்து செல்லும்
சமத்துவ சுமைதாங்கி;

நாறிய கட்டை நறுமணம் பூசி
பஞ்ச்சனைக்கு அனுப்படும்
வாழ்க்கைத் தொகுப்பின்
மாதிரி கோப்பு;

நரன் எரியும் நாட்டுக்கு
தினம் பயணியை ஏற்றிபோகும்
எட்டுக்கால் நான்குபுடி வண்டி

கூடுவிட்டு உயிர்
கூற்றுவன் கொண்டு போனபின்
தூற்றுவோர் தூற்ற
போற்றுவோர் போற்ற
நாறியதை வாரிபோடும்
சமத்துவ சகிப்புத்தன்மை
சமூக சேவகன்

இதில் பேதமில்லை

எல்லார் கதையிலேயும்
இறைவன் எழுதிய முடிவுக்கு
கடைசிவரை வரும் கதாபாத்திரம்;

போய்ச் சேர்ந்தவனுக்கு
போகப் போகிறவர்கள் கட்டிய
குட்டி குச்சி குடிசை;

வாழ்க்கை
நிரந்தரமில்லை என
சவம் சுமந்து
சாட்சி சொல்லவந்த
அரு உருவான ஆண்டவனின்
ஆத்மகுரல்....;

பேதமில்லாமல் பிணம் துக்கி
மனித சமத்துவத்தை
தன்னில் பிரதிபலிக்கும்

இந்த பாடை

பேதம் நிறைந்த வாழ்க்கையில்
பேதம் சொல்ல
போதிமரம்
இதை உணர்ந்தால் உனக்கும்
ஞானம் வரும்.

[You must be registered and logged in to see this image.]

by **ஹிஷாலீ** Sat Jun 30, 2012 6:00 pm

by **கவியருவி ம. ரமேஷ்** Sun Jul 01, 2012 7:58 am

ஒவ்வொருவரையும் ஒவ்வொரு நாளும்
சுள்ளிதோட்டம் சுமந்து செல்லும்
சமத்துவ சுமைதாங்கி;
-
மிகவும் நன்றாக இருக்கிறது நண்பரே. பாராட்டுகள். மிகவும் ரசித்தேன். தேன் தேன் தான். மிக்க மகிழ்ச்சி