மண்(ஆசை) மீது நாட்டம்
பெண்(ஆசை) மீது நாட்டம் (ஆண்களுக்கு)
ஆண்(ஆசை) மீது நாட்டம் (பெண்களுக்கு)
பொன்(ஆசை) மீது நாட்டம்
நம்மாளுகளுக்குப் பிறப்போடு வந்திருக்கலாம்!
பொய் கூறல்
புறம் கூறல்
பள்ளிக்குப் படிக்கப் போகையில்
படித்திருக்கலாம்!
குடிப் பழக்கம்
புகைப் பழக்கம்
நண்பர்களோடு பழகிய போது
பழகியிருக்கலாம்!
பள்ளிக்குப் படிக்கப் போகையிலும்
நண்பர்களோடு பழகிய போதும்
களவு ஒளிப்பிலும்
களவு எடுப்பிலும்
புலமை பெற்றிருக்கலாம்!
ஓராண்
இன்னோர் பெண்ணை நாடுவதும்
ஒரு பெண்ணாலே...
ஒருபெண்
இன்னோர் ஆணை நாடுவதும்
ஒரு ஆணாலே...
எப்படியோ வாழ்க்கை வெறுக்கையிலே
இறைவனை நாடுவதும்
நம்மாளுகளுக்குத் தெரிந்து விட்டாலும்
பிறருக்கு நன்மை செய்ய
எவரும்
நம்மாளுகளுக்குக் கற்றுக் கொடுத்ததாய்
சான்றுகள் இல்லையே...
என்றாலும் கூட
தாமே உணர்ந்து
நன்மை செய்யும் நம்மாளுகள்
வாழ்வில் கெட்டதைக் களைந்து
வாழ்விற்கு வேண்டிய நல்லதைப் பொறுக்க
தாமே உணர்ந்து கொள்ளாது ஏன்?
பட்டுக் கெட்ட பின்னே
அறிவாளியான பின்னே
வழிகாட்டலும் மதியுரையும் செய்யத்தானே!
எம்மைப் படைத்த ஆண்டவரே
பகுத்தறிவையும் எமக்குத் தந்தவரே
பிறக்கும் போதே
கெட்டதைக் களைந்து நல்லதை அணைக்க
கற்றுக் கொடுத்திருந்தால்
தவறு செய்யாத நம்மாளுகளைப் பார்த்திருப்பீரே!
பிறப்பையும் சொல்லிக்கொடுக்காத தால்
பிறப்பை அலசிய நம்மாளுகள்
கருத்தடை வழிகளைத் தான்
கற்றுக் கொண்டார்கள் என்றால்
இளம் பெண்களைக் கெடுக்கவும்
கற்றுக் கொள்கிறார்கள் என்றால் பாரும்...
எம்மைப் படைத்த ஆண்டவரே
எப்ப தான்
தங்கள் படைப்பின் உண்மையை
நம்மாளுகள் கற்றுக் கொள்வினமோ
எனது சிறிய அறிவுக்கு
இன்னும் எட்டவில்லையே!

பிறக்கும் போதே
கெட்டதைக் களைந்து நல்லதை அணைக்க
கற்றுக் கொடுத்திருந்தால்
தவறு செய்யாத நம்மாளுகளைப் பார்த்திருப்பீரே!
-
நல்ல விதமாகத்தான் படைக்கிறார் என்று நினைக்கிறேன்.

வாழும் - பழகும் - தேடும் தேடலுக்கு ஏற்ப நல்ல - தீய மாற்றங்கள் உண்டாகிவிடுகின்றன என்பது என் கருத்து.

மேலுள்ள கவிதையில்
மாபெரும் தவறு இருந்ததை
திருத்தியுள்ளேன்...
"களவு ஒழிப்பிலும்" என்பது
மாபெரும் தவறு தானே!
"களவு ஒழிப்பிலும்" என்ற அடியை
"களவு ஒளிப்பிலும்" என்றவாறு
திருத்தியுள்ளேன்...
நம்மாளுகளுக்கு
களவு ஒழிப்புத் தெரியாது
களவு ஒளிப்புத் தானே
நன்றாகத் தெரியும்...
எடுத்துக்காட்டாக
பள்ளிக்குக் களவு ஒளித்தல்!