உன் அழகை வர்ணிக்க...

by **pakee** Wed Jul 04, 2012 3:53 pm

முல்லை மொட்டு போல் அதரம்
மாதுளை வரிசையாய் பற்கள்
முகமோ தாமரை
கண்களோ கரிய பனித்துளிகள்!

அடர்முகில் படர
தொடர்விடும் விழுதாய்
நின் சடைவிடும் தூது
நிலமகள் தொட
காற்றில் அசையும்
அழகே தனிதான்!

பிறை நெற்றி பற்றிய
மினுங்கும் கல்கண்டுப் பொட்டும்
எடுப்பான நாசியின்
வலது பக்கம்
தகித்த நிலவில்
உருக்கிய தங்கமாய்
மூக்குத்தி சிருங்காரமாய் சினுங்க
தென்றல்கள் ஊஞ்சலாட
செவிமடல்களின் கீழே
வளைந்த தோடுகளும்
அடடடடா......!

உடுக்கை இடையினிடையே
தொப்புள் குழியழகை
கிறக்கத்துடன் பார்த்து
வர்ணிக்க வார்த்தைகளின்றி
கடனாகப் பெற்று வர
கம்பனையும் ஷெல்லியையும்
நித்திரை கலைக்கும் முயற்சியில்
நான் இருக்க
உன்னை வர்ணிக்க
இந்திரன் தன் வெண்புரவியில்
மண்ணிற்கு வந்திறங்கிக்கொண்டிருந்தான்
உன் அழகை வர்ணிக்க..!