ஈற்றடியில் குறள் யாப்போம்..!

by **கலைவேந்தன்** Sun Jul 15, 2012 10:03 pm

நண்பர்களே..

திருவள்ளுவரின் திருக்குறள் மொத்தம் 1330.

அதன்பிறகு அத்துணை குறட்பாக்கள் எவரும் எழுதவில்லை எனலாம். நான் இதுவரை பல்வேறு களங்களில் சுமார் நூற்றுக்கும் மேற்பட்ட குறட்பாக்களை இயற்றியுள்ளேன். அவற்றின் தொகுப்பினை விரைவில் இங்கே பதியவும் உள்ளேன்.

நமது தோட்டத்தில் கவிதை ஆர்வலர்கள் அதிகம் உள்ளனர் என்பதால் இங்கே குறளந்தாதி தொடங்க உத்தேசித்துள்ளேன்.

நான் ஒருகுறள் பதிவேன். அதன் இறுதி அடியினை முதலாகக் கொண்டு அடுத்தவர் குறட்பா எழுத வேண்டும்.

இலக்கணப்பிழை இன்றி இத்திரி இயங்க வேண்டும் என விழைவதால் கவிஞர்கள் இங்கே குறட்பாவின் இலக்கணம் அறிந்து பதிவிட வேண்டுகிறேன்.

அவ்விதம் ஆர்வத்தில் பதிந்த கவிஞர்களின் குற்ட்பா இலக்கணம் மீறி இருப்பின் சுட்டிக்காட்ட தலைப்படுவேன். அதனை குறையாகக் கொள்ளாமல் தங்களை மேலும் கற்றுக்கொள்ள வாய்ப்பாக அதனை எடுக்கும்படி கேட்டுக்கொள்கிறேன்.

இதன் காரணமாய் மன முறிதலைத் தவிர்க்கவே இந்த அறிவிப்பு.

அனைத்து குறட்பாக்களுக்கும் வரிசை எண்ணையும் தவறாமல் வழங்க வேண்டுகிறேன்.

அனைவரின் ஒத்துழைப்புடன் நான் தொடங்கித் தொடர்கிறேன்.

by **கலைவேந்தன்** Sun Jul 15, 2012 10:06 pm

1.
அமிழ்தினு மேவிய தாமவள் செவ்வாய்
தமிழவள் கூறிடுங் கால்.

அருமையான நல்ல முயற்சி முயற்சி வெற்றி பெற பாராட்டுகளும் வாழ்த்துகளும் அண்ணே

by **கலைவேந்தன்** Mon Jul 16, 2012 10:49 pm

யாருமே இந்த திரியைத்தொடரவில்லையே.. சற்று நேரம் பார்த்துவிட்டு நானே அடுத்த குறளைத் தொடர்கிறேன்.

by **சதாசிவம்** Tue Jul 17, 2012 4:50 pm

நல்ல திரி தொடங்கியமைக்கு நன்றி,

தங்களில் அந்தத்தை தொடரும் ஆதி

கால்கடுக்க காக்கிறேன் கண்வலிக்கப் பார்க்கிறேன்
கால்சிவந்தக் காதலிக்கு நான்

குறளின் அடிப்படை இலக்கணம் ஒருமுறை விளக்கி அதன் பிறகு இத்திரியைத் தொடர்ந்தால் கவிஞர்களுக்கு ஆர்வமாகவும், ஆதாரமாகவும் இருக்கும் என்பதென் தாழ்மையான கருத்து.

by **கவியருவி ம. ரமேஷ்** Tue Jul 17, 2012 7:54 pm

வெண்பா
வெண்பாவிற்கான இலக்கணங்களும், வெண்பா வகைகளும் குறித்துக் காண்போம்.

வெண்பா இலக்கணம்
· மாச்சீர், விளச்சீர், காய்ச்சீர் ஆகியனவே இடம்பெறும்; கனிச்சீர் வரக்கூடாது.

· இயற்சீர் வெண்டளையும், வெண்சீர் வெண்டளையும் வரும்; பிற தளைகள் வரலாகாது.

· ஈற்றடி முச்சீருடையதாகவும், ஏனைய அடிகள் நான்கு சீர் உடையனவாகவும் அமையும்.

· ஈற்றடியின் ஈற்றுச்சீர் நாள், மலர், காசு, பிறப்பு கொண்டு முடியும்.

· செப்பலோசை பெறும்.

· அடிவரையறை; குறைந்த அளவு இரண்டடி; பேரெல்லைக்கு வரையறை இல்லை.

வெண்பா வகைகள்
வெண்பா ஆறு வகைப்படும். அவை பின்வருமாறு:

1. குறள் வெண்பா

இரண்டடிகளில் அமைவது.

(எ.கா)

வெள்ளத் தனைய மலர்நீட்டம்; மாந்தர்தம்
உள்ளத் தனைய துயர்வு

2. சிந்தியல் வெண்பா
மூன்றடிகளில் அமைவது. இரண்டாம் அடியில் தனிச்சொல் பெறுவது நேரிசைச் சிந்தியல் வெண்பா எனப்படும். தனிச்சொல் இவ்வாறு பெறாதது, இன்னிசைச் சிந்தியல் வெண்பா எனப்படும்.

1) நேரிசைச் சிந்தியல் வெண்பா

(எ.கா)

கங்கைக்குக் கண்மலர் சாத்தக் கருங்குவளை
செங்குவளை பூத்தாள் செயலென்னே- எங்கோமான்
பங்குற்றும் தீராப் பசப்பு

2) இன்னிசைச் சிந்தியல் வெண்பா

(எ.கா)

மாமழை போற்றுதும் மாமழை போற்றுதும்
நாமநீர் வேலி உலகிற்கு அவன்அளிபோல்
மேல்நின்று தான்சுரத்த லான்

3) நேரிசை வெண்பா

நான்கடிகளையுடையது. இரண்டாம் அடியின் இறுதியில் தனிச்சொல் பெறும். அத்தனிச்சொல் முன்னிரண்டடிகளின் எதுகையை உடையதாய் இருக்கும். முன்னிரண்டடிகளில் ஓரெதுகையும், பின்னிரண்டடிகளில் ஓரெதுகையும் வருதல் பெரும்பான்மையாகும். இரண்டிற்கு மேற்பட்ட எதுகைகளும் வரலாம். எதுகையை ‘விகற்பம்’ எனச் சுட்டுவது உண்டு.

(எ.கா)

நீக்கம் அறுமிருவர் நீங்கிப் புணர்ந்தாலும்
நோக்கின் அவர்பெருமை நொய்தாகும் - பூக்குழலாய்!
நெல்லின் உமிசிறிது நீங்கிப் பழமைபோல்
புல்லினும் திண்மைநிலை போம்

4) இன்னிசை வெண்பா

நான்கடிகளில் அமையும். ஓரெதுகையோ, இரண்டெதுகையோ, பல எதுகையோ பெற்று வரும்.

(எ.கா)

கல்லா ஒருவர்க்குத் தம்வாயின் சொல்கூற்றம்;
மெல்லிலை வாழைக்குத் தானீன்ற காய்கூற்றம்;
அல்லவை செய்வார்க் கறம்கூற்றம்; கூற்றமே
இல்லத்துத் தீங்கொழுகு வாள்

5) பஃறொடை வெண்பா

5 முதல் 12 அடிவரையில் அமையும். ஓரெதுகையோ, பல எதுகையோ பெற்று வரும்.

(எ.கா)

நன்றி யறிதல், பொறையுடைமை, இன்சொல்லோ(டு)
இன்னாத எவ்வுயிர்க்கும் செய்யாமை, கல்வியோ(டு)
ஒப்புர வாற்ற அறிதல், அறிவுடைமை,
நல்லினத் தாரோடு நட்டல், இவையெட்டும்
சொல்லிய ஆசார வித்து

6) கலிவெண்பா

13 அடி முதல் பல அடிகளில் வரும். தனிச்சொல் பெறாமல் வருவது இன்னிசைக் கலிவெண்பாவாகும். இரண்டிரண்டு அடிகள் ஒவ்வோரெதுகையும் தனிச்சொல்லும் பெற்றுக் ‘கண்ணி’ என்னும் பெயரில் பலவாக வருவது நேரிசைக் கலிவெண்பா ஆகும்.

இன்னிசைக் கலிவெண்பாவிற்குச் சிவபுராணமும், நேரிசைக் கலிவெண்பாவிற்குத் தமிழ்விடுதூதும் சான்றுகளாகும்.

இவை வெண்பா பற்றியனவாகும்.

நன்றி. [You must be registered and logged in to see this link.]

by **கலைவேந்தன்** Tue Jul 17, 2012 9:58 pm

சிறந்த விளக்கம் ரமேஷ்.. ஆயினும் இன்னும் எளிமையாக ஆரம்பக்கட்டத்தில் இருந்து தெளிவு படுத்தினால் அனைவரும் எளிதில் புரிந்துகொண்டு வெண்பபா எழுதுவார்கள்.

இன்னும் சில தினங்களில் நான் எளிமையுடன் குறள் இலக்கணம் தொடங்குகிறேன்.

பகிர்வுக்கு மிக்க நன்ரி ரமேஷ்.

by **RAJABTHEEN** Wed Jul 18, 2012 1:03 am

கலைவேந்தன் wrote:சிறந்த விளக்கம் ரமேஷ்.. ஆயினும் இன்னும் எளிமையாக ஆரம்பக்கட்டத்தில் இருந்து தெளிவு படுத்தினால் அனைவரும் எளிதில் புரிந்துகொண்டு வெண்பபா எழுதுவார்கள்.

இன்னும் சில தினங்களில் நான் எளிமையுடன் குறள் இலக்கணம் தொடங்குகிறேன்.

பகிர்வுக்கு மிக்க நன்ரி ரமேஷ்.

[You must be registered and logged in to see this image.]

by **dhilipdsp** Wed Jul 18, 2012 9:01 am

தான் என்ப தனகென்ப தனதென்ப - தன்
நிலையை மறந்தார் கூற்று ................

[You must be registered and logged in to see this image.]

by **ஹிஷாலீ** Thu Jul 19, 2012 2:04 pm

சதாசிவம் wrote:நல்ல திரி தொடங்கியமைக்கு நன்றி,

தங்களில் அந்தத்தை தொடரும் ஆதி

கால்கடுக்க காக்கிறேன் கண்வலிக்கப் பார்க்கிறேன்
கால்சிவந்தக் காதலிக்கு நான்

குறளின் அடிப்படை இலக்கணம் ஒருமுறை விளக்கி அதன் பிறகு இத்திரியைத் தொடர்ந்தால் கவிஞர்களுக்கு ஆர்வமாகவும், ஆதாரமாகவும் இருக்கும் என்பதென் தாழ்மையான கருத்து.

யெஸ் அண்ணா

by **சதாசிவம்** Thu Jul 19, 2012 8:02 pm

நன்று தோழி,

மேலும் விவரங்களுக்கு, இத்தளத்தை அணுகவும்.
[You must be registered and logged in to see this link.]

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

ஈற்றடியில் குறள் யாப்போம்..!

ஈற்றடியில் குறள் யாப்போம்..!

Re: ஈற்றடியில் குறள் யாப்போம்..!

Re: ஈற்றடியில் குறள் யாப்போம்..!

Re: ஈற்றடியில் குறள் யாப்போம்..!

Re: ஈற்றடியில் குறள் யாப்போம்..!

Re: ஈற்றடியில் குறள் யாப்போம்..!

Re: ஈற்றடியில் குறள் யாப்போம்..!

Re: ஈற்றடியில் குறள் யாப்போம்..!

Re: ஈற்றடியில் குறள் யாப்போம்..!

Re: ஈற்றடியில் குறள் யாப்போம்..!

Re: ஈற்றடியில் குறள் யாப்போம்..!

Re: ஈற்றடியில் குறள் யாப்போம்..!

Re: ஈற்றடியில் குறள் யாப்போம்..!