அழகான ஆண்டவனே

by **கவி கவிதா** Sun Jul 15, 2012 11:36 pm

எத்தனை கோடி
இன்பத்தைக் கொட்டித் தந்தாலும்
ஒருமுறை உனை அனுபவித்த
சுகத்திற்காவே எதை வேண்டினும்
இழக்க தயார் என்
அழகான ஆண்டவனே!!...

நீ பிள்ளை மொழியில்லை
சுற்றி நிற்கும் அழகுமில்லை
தாயின் அன்பில்லை
பேயின் குணமுமில்லை
எங்கிருந்து
வந்தாயென்றும் தெரியவில்லை

ஆனால் எப்படி எல்லாமோ
மாற்றி வைத்தாய் என்னை

பூவாக்கினாய் பூவானேன்
சேயாக்கினாய் சேயுமானேன்

சகதி எனச் சொன்னார் அறிவுடையோர்
இம்மனதினை... அதிலே
பூவளர்க்க கற்றுத் தந்தாய்
பூவாசத்தில் உனை உணர நினைத்தேன்
நீயோ பூவானாய்.. சகதியுமானாய்

அதனால்....
ஒருமுறை உனை அனுபவித்த
சுகத்திற்காகவே எதை வேண்டினும்
இழக்க தயார் என்
அழகான ஆண்டவனே!!...

by **அ.இராமநாதன்** Mon Jul 16, 2012 12:18 am

சுகத்திற்காவே என்பது சுகத்திற்காகவே என இருத்தல் நலம்...
-
கவிதை நல்லா இருக்கு
[You must be registered and logged in to see this image.]

by **கவியருவி ம. ரமேஷ்** Mon Jul 16, 2012 9:15 am

அ.இராமநாதன் wrote:சுகத்திற்காவே என்பது சுகத்திற்காகவே என இருத்தல் நலம்...
-
கவிதை நல்லா இருக்கு
[You must be registered and logged in to see this image.]

பிழை திருத்தப்பட்டுள்ளது.

கவிஞருக்குப் பாராட்டுகள் மிக்க மகிழ்ச்சி