எழுவாய் தமிழா!

by ரௌத்திரன் Fri Jul 20, 2012 4:17 pm

எட்டுத் திக்கும் வணங்கட்டும் - நம்
====ஆணைக் கிங்கு இணங்கட்டும்!
மக்கள் இதழ்கள் மலரட்டும் - ஒரு
====மங்கலப் பொழுது புலரட்டும்!

உறைக்குள் உறைக்குள் உறங்கிக் கிடக்கும்
====வாளை எடுத்துச் சாணையிடுவோம்!
தரைக்குள் அதர்மம் வெட்டிப் புதைத்து
====தரைமேல் தர்மம் வாழ விடுவோம்!

எந்த நாளும் எங்கள் சிங்கத்
====தமிழர் தலைகள் தாழ்ந்த தில்லை!
இந்த உண்மை உணர மறந்து
====வந்தோர் தலைகள் வாழ்ந்த தில்லை!

வானம் பரிசாய் வருவ தேனும்
====வளைந்து கொடுக்கும் சாதி இல்லை!
மானம் காக்க எதையும் இழப்போம்
====மண்டி இட்ட சேதி இல்லை!

மூங்கை களாக வீட்டுக் குள்ளே
====முடங்கிக் கிடந்தது போதும் தமிழா!
வேங்கை குலத்தின் வீரம் என்ன
====விளங்க வைப்போம் வாராய் தமிழா!

முத்தமிழ் மாதர் கண்ணீர்த் துளியில்
====மூர்ச்சை யுற்ற புத்தன் தன்னை
பித்தச் சிங்களர் ரத்தம் தெளித்து
====விழிக்க வைப்போம் வாராய் தமிழா!

பொன்னார் தமிழர் பொறுமை எடுத்துச்
=====சொன்னால் விளங்கா சழக்கர் தமக்கு
அன்னார்ப் பெண்டிர் வெள்ளைச் சேலை
=====அமைதிக் கொடியாய் வானில் உயர்த்து!

இன்னோர் இனத்தால் இந்தப் புவிமேல்
=====இனியொரு தமிழன் மாண்டான் என்றால்
மண்ணில் எந்த மனிதச் சாதியும்
=====இருக்கா தென்று இன்றே உணர்த்து!

------------------ரௌத்திரன்

by **தமிழ்1981** Fri Jul 20, 2012 6:45 pm

"இன்னோர் இனத்தால் இந்தப் புவிமேல்
=====இனியொரு தமிழன் மாண்டான் என்றால்
மண்ணில் எந்த மனிதச் சாதியும்
=====இருக்கா தென்று இன்றே உணர்த்து! " மிக்க மகிழ்ச்சி