கோடைக் காலம்.

by rameshalam Fri Jul 20, 2012 10:38 pm

வருணணின் கருணையற்று
வறண்டு விட்டது...
இந்த ஏரிகளும், குளங்களும்.

எரியும் என்
காலடித்தடங்களின் கீழ்
புகைந்து கொண்டிருப்பது
வறுமைகளின் வயிறு.

பாட்டாளிகளின் கண்ணீர் தேடி
நீளத் துவங்குகிறது...
மரங்களின் வேர்கள்.

பச்சையம் கருகி
வாடும் தளிர்களில்
ஆவியாகிறது
வாழும் வள்ளலார்
ஒருவரின் கண்ணீர்.

மழையையும், மின்னலையும்
கிள்ளித் தூவும் இயற்கை...
உறக்கம் சூழ உறங்குகிறது
எனது கனவுகளில்.

தன் புதுச் சிறகுகளை
நீவியபடி...
வானம் சீறும்
எனது பச்சைக்கிளியின்
பரவசத்திற்காகக் காத்திருக்கிறேன்...

வெகு காலமாய்.

by **கவியருவி ம. ரமேஷ்** Fri Jul 20, 2012 11:57 pm

பசுமையாய் வளர்ந்திருக்கிறது தங்கள் கவிதை...

தோட்டம் உங்களை வரவேற்கிறது...

தங்கள் பன்முகத் திறனைக் காண ஆவலாய் உள்ளோம்..

போட்டியில் ஹைக்கூவைக் கண்டேன்... அழகாய் வந்துள்ளது. பாராட்டுகள்...

தங்களை அறிமுகப் பகுதியில் [You must be registered and logged in to see this link.] படுத்திக் கொள்ளுங்களேன்.

மிக்க மகிழ்ச்சி