நான் யார் ?

by Kannapiran.G Thu Jul 26, 2012 2:33 pm

நான் யார் ?
(பிரிந்தே இருக்கிறேனின்
பின்பக்கம்)

----------------------------------------------------------------------

நான் ஆண்டாளா? - இல்லையே
-

அபகரிக்கும் ஆசை எனக்கில்லையே

பின் ஏன் கண்ணா
-

என் மனம் உன்னைத்
துதிக்கிறது.?

நான் பாரதியா? - இல்லையே
-

கற்பனைக் கனா எனக்கில்லையே

நிஜமான உன்னை

நிழலாக எப்படி சிருஷ்டிப்பது?

நான் பார்த்தனா? -இல்லையே
-

காண்டீபம் என்னிடம் இல்லையே

சாரதியாய் நீ வந்தாலும்

தேரிழுக்க எப்படிச் சொல்வது?

நான் ராதையா? - இல்லையே
-

குழல் தந்த போதை
எனக்கில்லையே

மயக்கம் இல்லையெனில்

குழப்பம் ஏன் வந்தது?

நான் தாசனா? - இல்லையே
-

தாசனாகும் யோகம் எனக்கில்லையே

தாகம் இல்லையெனில்

என்னைக் கவிபாட யார்
சொன்னது?

நான் யசோதையா? - இல்லையே
-

தாலாட்டும் யோகம் எனக்கில்லையே

தாயுணர்வும் இல்லையென்றால்

ததும்பும் பாசம் ஏன் வென்றது?

நான் குசேலனா? - இல்லையே
-

கேட்பதும் கொடுப்பதும் என்னிடமில்லையே

நெருக்கம் இல்லையெனில்

நட்புணர்வென் நினைவை ஏன் பறித்தது?

நான் ஆழ்வாரா? - இல்லையே
-

பாடிப் பணிவது நானில்லையே

பக்தி இல்லையெனில்

உள்ளம் நெகிழ்ந்தேன் பரவசமானது?

பாசமா, பக்தியா, நட்பா,
காதலா -

பயமா, பிரேமையா, மதிப்பா,
ஆளுமையா?

கேளவிக் கணைகள் துளைக்கும்
போது

திணறிப் போகிறேன் -

வார்த்தையின்றி ஓசையின்றி பதில் வரும்போது

சிலிர்த்துப் போகிறேன்.

பிரிவென்ற துயர் வரும்போது

துடித்துப்போகிறேன்.

பேதை, நான்

பேதலித்துப் போகிறேன்.

நவரசக்கலவையாய் நான்

சிதறுண்டு போகிறேன்.

பிரித்துப் பார்த்தால் நிறமாலை -

வ ( எ ) ண்ணங்களை

இணைத்துப் பார்த்தால்

ஒளி ஒன்றுதான் !

ஆளவும் ஆண்டு கொண்டு

ஆளுமைக்கும் உடபட்ட

நான் யார்?

இந்தக் கண்ணாமூச்சியில்

கண்ணைக் கட்டிவிட்டது யார்?

கண்ணைக் கட்டிக் கொண்டது
யார்?

நம் கணக்கில்

ஒன்றும் ஒன்றும் ஒன்றுதான்

இல்லையா?
Kannapiran.G

by **அ.இராமநாதன்** Thu Jul 26, 2012 3:06 pm

[You must be registered and logged in to see this image.]
-[You must be registered and logged in to see this image.]

by Kannapiran.G Thu Jul 26, 2012 3:15 pm

நான் கவிதை அனுப்பிய வேகத்தில் தளத்தில் பதிந்த சூடு ஆறுவதறகுள் என் கவிதைக்கு இப்படி ஒரு அருமையான படமா! நன்fறி நண்பரே

கண்ணபிரான் உங்களை நமது தோட்டத்தில் சந்திப்பதில் மிக்க மகிழ்வு தொடர்ந்து பூக்கட்டும் உங்களின் பூக்கள் நமது தோட்டத்தில்

by Kannapiran.G Fri Jul 27, 2012 12:38 am

நன்றி ஐயா,

by MOHAMED91 Fri Jul 27, 2012 1:13 pm

தமிழ்த்தோட்டம் (யூஜின்) wrote:கண்ணபிரான் உங்களை நமது தோட்டத்தில் சந்திப்பதில் மிக்க மகிழ்வு தொடர்ந்து பூக்கட்டும் உங்களின் பூக்கள் நமது தோட்டத்தில்

[You must be registered and logged in to see this image.]

by **கவியருவி ம. ரமேஷ்** Sun Jul 29, 2012 9:38 am

நான் யசோதையா? - இல்லையே
-
தாலாட்டும் யோகம் எனக்கில்லையே
தாயுணர்வும் இல்லையென்றால்
ததும்பும் பாசம் ஏன் வென்றது?
-- இன்று பெரும்பான்மையான தாய் தாலாட்டுப் பாடும் நிலையில் இல்லையே... கால ஓட்டம் பாசம்கூட காட்ட முடியாமல் செய்துவைத்துவிட்டது.