* நூல் ஆசிரியர் : கவிஞர் திலீபன் கண்ணதாசன்


நூலின்தலைப்பே வித்தியாசமாக உள்ளது. கவிதை நூலிற்கான பெயர் இவ்வளவு பெரிதாக
அனேகமாக படித்து இருக்க மாட்டோம். இந்த நூலின் பெயரைப் பற்றியே ஆய்வு
செய்யலாம். 30 வயதிற்கு மேற்பட்டவர்களுக்குத்தான் தான் குழந்தையாக இருந்த போது
ரசித்த அந்த பொம்மையும், சவ்வுமிட்டாயும் நினைவிற்கு வரும். இன்றைய குழந்தைகள்
அந்த பொம்மையை பார்க்க வாய்ப்பு இல்லை. ஏனென்றால் அவர்கள் இப்போது அந்த
சவ்வுமிட்டாய் விற்பதில்லை. வேறு தொழிலுக்கு சென்று விட்டனர்.நவீன மிட்டாய்
சாப்பிட்டு நோயை வரவழைத்து கொள்கின்றனர் இன்று. உலகமயம் தாராளமயம் மண் மக்களின்
பிழைப்பை கேள்விக்குறியாக்கி இருக்கும் அவலத்தை மிகவும் இயல்பாக கிராமிய
மொழியிலேயே பதிவு செய்து இருக்கிறார். நூல் ஆசிரியர் சிறந்த கவிஞராக வருவார்
என்று தொலைநோக்கு சிந்தனையுடன் பெற்றோர்கள் கண்ணதாசன் என்று பெயர் சூட்டி
இருக்கிறார்கள். சூட்டிய பெயரை காப்பாற்றி விட்டார்.

உண்ணாவிரதம் இருந்தே உயிர் விட்டு உயிர்தியாகம் செய்த உன்னத திலீபன் பெயரை
புனைப்பெயராக வைத்துள்ளார். உண்ணாவிரதம் இருந்தே உயிர்விட்டவரை உலகில் எங்கும்
திலீபனைத் தவிர வேறு யாரையும் கேள்விப்பட்டதில்லை அந்த திலீபன் கொள்கைக்குன்று
நூலாசிரியர் கவிதைக்குன்று நூலாசிரியருடன் சில வருடங்களுக்கு முன்பே மதுரையில்
கவியரங்குகளில் கவிதைக்குன்று நூலாசிரியருடன் சில வருடங்களுக்கு முன்பே
மதுரையில் கவியரங்குகளில் கவிதை பாடியதை பெருமையாக கருதுகின்றேன்.
கவியரங்குகளில் கிராமிய மொழியிலேயே கலக்கியவர் கவிஞர். நூலாசிரியர் பிறந்த ஊர்
உசிலம்பட்டியில் பிறந்து வளர்ந்தது கிராமம் என்பதால் கிராமிய மொழி நன்கு
வருகின்றது. இன்னும் மறக்காமல் மண் வாசனையோடு வழக்குச் சொற்களுடன் மிக அழகாக
கவிதைகளைப் பதிவு செய்து உள்ளார். நூலாசிரியர் அதிகம் படித்தவர் என்ற போதிலும்
இன்றைய சில கவிஞர்களைப் போல ஆங்கிலச் சொற்களை சேர்க்காமல்
கிராமத்துக்காரர்களின் மொழியிலேயே கவிதை வடித்து இருப்பது நூலின் சிறப்பு
“ஆத்தாளுக்கு” என்ற முதல் கவிதைக்கு முத்தாய்ப்பா முடிக்கும் வரிக்கு
பொருத்தமாக ஆடுகளின் புகைப்படம் தொடங்கி அய்யனார் படங்கள் கிராமத்துக்கு கிழவி
புகைப்படம் என நூல் முழுவதும் கவிதை படிப்பது மட்டுமல்ல கிராமத்திற்கு சென்று
வந்த உணர்வை ஏற்படுத்தி விடுகின்றன. கவிதைகள், இதுதான் நூலின் வெற்றி தேவையற்ற
உவமைகள் வார்த்தை ஜாலங்கள் எதுவுமில்லை.

உலகமயம் கிராமங்களையும் விட்டு வைக்கவில்லை. இந்தியாவின் முதுகெழும்பு கிராமம்
என்கிறார்கள். ஆனால் இன்று கிராமம் என்ற முதுகெலும்பையே முறிந்து விட்டார்கள்.
முகவரி இழந்து வருகின்றன கிராமங்கள்.

கவிஞரின் கிராமிய நடை எல்லோருக்கும் வாய்ப்பதில்லை. ஆனால் இவருக்கு மிகவும்
நன்றாக வந்துள்ளது. ஒவ்வொரு கவிதையிலும் கடைசி இரண்டு வரிகள் தான்
முத்தாய்ப்பாக முத்திரை பதிந்து சிந்திக்க வைக்கும் அற்புத வரிகள்

. கவிஞர் பழநிபாரதியின் அணிந்துரை கல்வெட்டு வார்த்தைகள் போல மனதில் பதிகின்றன.
நூலின் மதிப்பை கூட்டுகின்றன. கவிஞர் நந்தலாலா பட்டிமன்றம் மட்டுமல்ல
அணிந்துரையும் அற்புதமாக வரும் என நிரூபித்து இருக்கிறார்கள். நூலாசிரியர்
நிறைய படித்து சென்னையில் புகழ் பெற்ற பள்ளியில் தமிழாசிரியராக பணிபுரிந்த
போதும் சராசரி மனிதனைப்போல தன் வீடு தன் பிள்ளை என சுருங்கிவிடாமல் தமிழுக்கு
தமிழனுக்கு ஏதாவது செய்ய வேண்டும் என்ற எண்ணத்துடன் கவிதை நூலை படைத்தது
பாராட்டுக்குரிய பணி. இது முதல் நூல் என்றால் நம்ப முடியவில்லை. கவிதையில் நல்ல
முதிர்ச்சி தெரிகின்றது. தொடர்ந்து எழுதுங்கள். தொடர்ந்து கவிதைநூல்
படையுங்கள். தமிழ் கூறும் நல் உலகம் உங்கள் படைப்பை வரவேற்று ஆதரிக்கும்
என்பதில் அய்யம் இல்லை.

நூகர்வு கலாச்சாரம் இன்று கிராமங்களையும் விட்டு வைக்கவில்லை. தொலைக்காட்சி
கிராமங்களிலும் புகுந்து கிராமிய ரம்மியத்தை சிதைத்து விட்டன.கவிதைகளில்
கிராமியச் சொற்கள் ஈராங்காய், கெடாக்குட்டி, கெணறு, சிய்யான், களத்துமேடு,
மக்க, கொடுக்காப்புள்ளி இப்படி எத்தனையோ சொற்கள் அருவிபோல கொட்டுகின்றது
கவிதைகளில்.

“சாபம்” என்ற கவிதைகளில் கிராமங்களில் பெண்கள் மலம் கழிக்கப்படும் கஷ்டங்களை
மிகவும் நுட்பமாக பதிவு செய்து விட்டு கடைசியாக.

நிம்மதியாக வெளிக்கிக் கூட இருக்க முடியல
சுதந்திரம் வாங்கி என்னத்தக் கிழீக்க

என்ற வைரவரிகளின் மூலம் நம்நாடு விடுதலை பெற்று 60 ஆண்டுகள் ஆன போதும்
இன்றைக்கும் கிராமங்களில் அடிப்படை வசதிகள் நிறைவேற்றப்படவில்லை. கிராமத்துப்
பெண்கள் அவதிப்படுகிறார்கள். நீங்கள் எத்தனை அய்ந்தாண்டு திட்டங்கள் போட்டு
என்ன பண்ணி கிழிச்சீங்க என அரசியல் வாதிகள் கன்னத்தில் அரைவது போன்ற கவிதை

அடுக்குமாடி வீடுகளில்
இல்லை நிலாச்சோறு

என்ற கவிதையில் நகரத்து வாழ்க்கை மோகத்தில் கிராமத்து மனிதர்கள் நகரம் சென்று
அடுக்குமாடி வீடுகளில் குடியேறி சுயத்தை இழந்து வருவதை இடித்துரைக்கும் கவிதை
மொத்தத்தில் கிராமிய மொழியில் மனதை உலுக்கி எடுக்கும் கவிதைகளின் தொகுப்பு,
கிராமிய மனிதர்களின் வாழ்க்கை படப்பிடிப்பு, மனித நேயத்திற்கான குரல் கொடுப்பு,
இலக்கியத்தரம் வாய்ந்த கருத்துக்களின் அணிவகுப்பு, நல்ல தொகுப்பு, நல்ல
முடிப்பு, வாசகர்களின் மனம் பறிப்பு

அருமையான மதிப்புரை வாழ்த்துக்கள்

அருமையான மதிப்புரை வாழ்த்துக்கள்

வணக்கம் மிக்க நன்றி
இரா .இரவி
www.kavimalar.com
http://eraeravi.wordpress.com/
http://eraeravi.blogspot.com/