நற்றமிழாலே உயர்வோம்

by **yarlpavanan** Thu Aug 02, 2012 10:40 am

நாம் பாடுவோம் தமிழைப் பாடுவோம்
நாம் தேடுவோம் நற்றமிழைத் தேடுவோம்
நாளை நம்மக்கள் தூயதமிழைப் பேணவே!

நாம் படிப்போம் தமிழைப் படிப்போம்
நாம் எழுதுவோம் நற்றமிழில் எழுதுவோம்
நாளை நம்மக்கள் தூயதமிழை வெளிப்படுத்தவே!

நாம் கேட்போம் தமிழைக் கேட்போம்
நாம் சொல்லுவோம் நற்றமிழில் சொல்லுவோம்
நாளை நம்மக்கள் தூயதமிழை வாழவைக்கவே!

நாம் ஆடுவோம் தமிழைப்பாடி ஆடுவோம்
நாம் பாடுவோம் நற்றமிழில் பாடுவோம்
நாளை நம்மக்கள் தூயதமிழுக்கு உயிரூட்டவே!

நாம் நிமிர்வோம் தமிழாலே நிமிர்வோம்
நாம் உயர்வோம் நற்றமிழாலே உயர்வோம்
நாளை நம்முலகம் தூயதமிழைப் பேசும்வேளை!

by **அ.இராமநாதன்** Thu Aug 02, 2012 11:20 am

விழிப்புணர்வு கவிதை...பாராட்டுகள்
[You must be registered and logged in to see this image.]
-
இணையத்தில் படித்தது:-
----------------------------
தமிழ் நாட்டில் சட்டப்படி தாய்மொழி தமிழ் படிக்க வேண்டும்
என்று கட்டாயம் கிடையாது! வெளி நாடுகளில் வாழும் தமிழர்க்குத்
தமிழை முறையாகக் கற்க அதிக வசதி இல்லை.

“எங்க பெண்ணுக்குத் தமிழ் புரியும். ஆனால் எழுதப் படிக்க பேசச்
சரியாகத் தெரியாது!” என்று தமிழ்த்தாய் ஒருத்தி சொன்னதாக,
கனடாவிலிருந்து சென்ற வருடம் சென்னையில் தன் மகனுக்குப் பெண்
பார்க்கப் போன என் நண்பர் ஒருவர் கூறினார்.

வீட்டில் தமிழ் கற்ற கனடா மாப்பிள்ளை தமிழில் உரையாடிக் கேள்வி
கேட்கும் போது, சென்னையில் பிறந்து வளர்ந்த தமிழ்ப் பெண்
ஆங்கிலத்திலே பதில் கூறி இருக்கிறாள்.

இது வெட்கப் பட வேண்டிய கூத்து! இப்படி ஆங்கிலத் தோல் போர்த்திய,
போலித் தமிழர்கள் பலர் தமிழ் நாட்டில் இன்று இருக்கிறார்கள்! தமிழே
பாடத் திட்டத்தில் இல்லாது ஆங்கிலம், சம்ஸ்கிருதம், ஹிந்தி மட்டும்
சொல்லிக் கொடுக்கும் ‘கேந்திரிய வித்தியாலங்கள்’ பல இன்னும்
தமிழகத்தில் உள்ளன!

இது போன்று வங்காளத்தில் உண்டா ? பஞ்சாப்பில் உண்டா ?
மகாராஷ்டிராவில் உண்டா ? தமிழ் நாட்டில் ஹிந்தியை வெறுக்கும்
ஒரு சிலரைப் போல், தமிழை ஒதுக்கும் தமிழர்களும் உண்டு!
அவர்கள்தான் போலித் தமிழர்கள்!
-
சி. ஜெயபாரதன், கனடா