-
இதிகாசம் எனப்படுவது கடவுள்,
கடவுள் அவதாரம் அல்லது பெரும் வீரர்கள் நிகழ்த்திய அரும்பெரும்
வீரச் செயல்களையும், நீதிநெறிகளையும் விவரிக்கும் புராண வரலாறாகும்.

இந்தியாவைப் பொறுத்தளவில் இராமாயணமும்,
மகாபாரதமும் இதிகாசங்கள் என்றழைக்கப்படுகின்றன.

எனவே இதிகாச நாயகனை கிண்டல் செய்வதை
ஒரு சிலர் தவறாக புரிந்து கொள்ளக்கூடும்....
-
எனவே இப்படிப்பட்ட கருத்துகளை தவிர்ப்பது நலம்...
-
மாற்றுக் கருத்துகள் வரவேற்கப்படுகின்றன..

ஐயா... இது ஒரு குறியீட்டியல் கவிதை உத்தி கொண்ட புதுக்கவிதை. (ராமாயணத்தையோ ராமனையோ அவதூறு செய்வது போன்ற உள்நோக்கம் கொண்டது அல்ல)

இது குறியீட்டுக் கவிதை. இந்த குறியீட்டை நீங்கள் புரிந்து கொள்ளாததால் அல்லது அது - கவிதையின் குறியீடு எதனைச் சொல்ல வருகிறது என்பதைத் தெளிவாகப் புரிந்து கொள்ளாததாலோ ஏற்பட்டுவிட்ட குறைபாடுதான்.

நான் மட்டுமே இவ்வாறு இதிகாசங்களைப் பயன்படுத்திய குறியீடுகளை - உருவக வகைக் கவிதைகளை பயன்படுத்த வில்லை. பெரும்பாலும் புகழ்பெற்ற கவிஞர்கள் அப்துல் ரகுமான் முதல் வைரமுத்து, பா.விஜய்... என்று பயன்படுத்திக் கொண்டுதான் வருகிறார்கள்.

சரி... என்னுடைய கவிதையை - குறியீட்டை நான் விளக்கிவிடுகிறேன்.

தலைப்பே ராமாயணம் அல்ல – மீண்டும் ராமாயணம்தான். அதாவது 21 ஆம் நூற்றாண்டின் ராமாயணம் – புதுக்கவிதையில் எழுதப்பட்ட ராமாயணக் குறியீட்டு கவிதை.

போர்க்கருவிகளை இழந்தாய் – சரியான ஆதாரங்கள் இல்லை என்று (தவறாகக்) கூறுதல்.

இன்று போய் நாளை வா! – நீதி மன்ற வாய்தாக்கள்.

தினம் தினம் ஒருவர் வந்து
ராமனுடன் போர் செய்து இறந்தார்கள்.
- வழக்குகாக விசாரிக்கப்படுகிறார்கள்

சீதா, அசோக வனத்தில்
நம்பிக்கையற்றுப் போனாள்.
- இன்று பலரும் நம்பிக்கையற்றவர்கள்தான்.
…
ராமன் ஏதோ நினைத்தவனாய்…
போரை நிறுத்தி
நடக்கத் தொடங்கினால்தான்
பொழுது சாயும்முன்
நாட்டை அடைய முடியுமென்று சிந்தித்தவனாக
நாளை
தம்பியைப் போர் செய்யச் சொல்லி
நடை கட்டினான்.

நள்ளிரவில்
நாட்டையடைந்தவன்
அப்போதே மணிமுடி தரித்தான்.
- மனுதாரர்கள் நீதிமன்றத்தைப் புறக்கணித்தல், அல்லது சமாதனமால் –

சில ஆண்டுகளில்…
தம்பியைப் பற்றியோ
சீதையைப் பற்றியோ
யாருக்கும் நினைவில் இல்லாமல் போனது.
- சில ஆண்டுகளில் அரசியல்வாதிகளின்மீது தொடுக்கப்பட்ட வழக்குகள் மறந்துபோகிறதைக் குறிக்கும்…
சீதை, சிகை நரைத்து
அசோக வனத்திலேயே சமாதியானாள்.

ராவணன் நகைத்துக் கொண்டான்.
- வழக்குத் தொடுத்தவர்கள் இறந்துபட்டாலும் சில வழக்குகள் நடைபெற்று வருகிறதே… அதைத்தான் இது குறிக்கிறது.

மொத்தத்தில் இன்றைய ராமாயண நீதியும் இன்றைய கால நீதியும் தவறாகவே இருக்கிறது என்பதைத்தான் இக்கவிதை குறிக்கிறது.

இதை அப்படியே நீங்கள் காதலுக்கும் பொருத்திக் கொண்டாலும் சரியாகத்தான் வரும்... குறியீட்டை நான் நீதிமன்றத்தோடு ஒப்பிட்டு உள்ளேன். இந்தக் குறியீட்டை காதலுக்கும் பொருத்திக் கொள்ளலாம்.

ஏன் விபச்சாரத்துக்கும் (விபச்சாரத்தில் ஈடுபட்டிருக்கும் ஒருத்தியின் மன நிலையிலும்) இக்குறியீட்டை விரித்துக் கொண்டால் பொருந்தியே வரும்...

அதனால்தான் குறியீட்டுக் கவிதையை அந்தந்த வாசகர்கள் - வாசகர்களின் மன நிலை - அறிவுக்கு விட்டுவிட வே்ண்டும் என்பார்கள். அதனால்தான் நான் கவிதையைப் பதியும்போது அதன் விளக்கதை அளிக்க விரும்பவில்லை.

[You must be registered and logged in to see this image.] -