புராதன நாற்காலி

by **அ.இராமநாதன்** Thu Aug 16, 2012 7:36 am

-
இந்த நாற்காலி
யாருக்காகவும் காத்திருக்கவில்லை.

அதன் இருக்கை யாரும் அமரா
வெற்றிடத்தைப் பருகியபடி இருக்கிறது.
-
உங்கள் பார்வைக்குத் தப்பிய கண்ணாடியில்
தன் முகத்தை நீண்ட நாட்களுக்குப் பின்
பார்த்து ரஸிக்கிறது
-
பின்னும் முன்னும்
பேசப்படாத வார்த்தைகளையும்
பேசப்பட்டவைகளையும் அசை போடுகிறது.
-
பரபரப்பின் வெம்மையைத் துறந்து
நிதானத்தின் துள்ளலைப்
பூசிக்கொண்டிருக்கும்போது
உள்ளே நுழைந்து விடாதீரகள.
-
எந்த இசையும் ஒலிக்கப்படாத நிசப்தத்தை
அது அனுபவிக்கவிடுங்கள்.
-
இங்கிருந்து நாளையோ மறுதினமோ
அது அகற்றப்படும் வரை
இந்த ஏகாந்தத்தை
அது அணிந்து மகிழட்டும்
-
==============================

>சுந்தர்ஜி
நன்றி: கல்கி 5-8-12

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

புராதன நாற்காலி

புராதன நாற்காலி

Re: புராதன நாற்காலி