ரஸித்த மாணவர்களின் குறும்புகள் ...வருடம் 1903

by **அ.இராமநாதன்** Thu Aug 16, 2012 8:55 am

மகா மகோபாத்தியாய டாக்டர் உ.வே. சாமிநாத ஐயர்

ரஸித்த மாணவர்களின் குறும்புகள் ...வருடம் 1903 UVS_Iyer

-

1903 முதல் 1919 வரை சென்னை மாநிலக் கல்லூரியில் தமிழ் ஆசிரியராகப்
பணியாற்றியானார் மகா மகோபாத்தியாய டாக்டர் உ.வே. சாமிநாத ஐயர்
-
மாணவர்களின் குறும்புகளை ரஸித்ததையும் அவர்களை நல்வழிப்
படுத்தியதையும் பற்றி அவர் சொன்ன தகவல்களில் ஒன்று:-
——————————————–

“மறுநாள் வகுப்பில் பாடஞ் சொல்லத் தொடங்கினேன்.
முதல் வரிசையில் இருந்த மாணாக்கர் ஒருவர் வலது காலைத் தூக்கி
இடது தொடை மேல் போட்டு, அவ்வலது முழங்காலை இரண்டு கைகளாலும்
கட்டி மேலே உயர்த்திக்கொண்டும், இடையிடையே காலை அசைத்துக்கொண்டும்
உட்கார்ந்திருந்தார். என்னையாவது, பாடத்தையாவது அவர் சிறிதும்
கவனிக்கவில்லை. நான் அவரைக் கவனித்தேன்.”

அந்த மாணவரை நம் உ.வே.சா. எப்படிச் சமாளித்தார்? அவரே சொல்கிறார்:

“அப்பொழுது நடந்த பாடம் கம்ப ராமாயணம். அனுமானைப் பற்றிச் சொல்லும்
சந்தர்ப்பம் தற்செயலாக நேர்ந்தது. ‘அனுமான் மகா தீரர். அவர் இராவணனுடைய
சபைக்குச் சென்றார். இராவணன் உயர்ந்த சிங்காதனத்தில் ராஜஸத்தோடு
வீற்றிருந்தான். வந்த அனுமானுக்கு ஆசனம் கொடுக்கவுமில்லை.

அவரை உட்காரச் சொல்லவுமில்லை. அனுமான் பார்த்தார். அவனை
அவமானப்படுத்த வேண்டும் என்பது அவருடைய எண்ணம். மிக விரைவாக
இராவணனுடைய சிங்காதனத்தின் அருகில் தம் வாலைச் சுற்றி,
அச்சிங்காதனத்தைவிட உயரமாக ஓர் ஆசனம் உண்டாக்கி அதன்மேல்
தாவினார். கால்மேல் கால் போட்டு முழங்காலை உயர்த்திக் கைகளால்
கட்டிக்கொண்டு பேச ஆரம்பித்தார்.

அவர் உட்கார்ந்திருந்த நிலையை எப்படி நான் தெளிவாகச் சொல்ல முடியும்?
இதோ இவர் உட்கார்ந்திருக்கிறாரே, இப்படித்தான்!’ என்று அந்த மாணாக்கரைச்
சுட்டிக்காட்டினேன். பிள்ளைகளுடைய சிரிப்பு கோஷம் அடங்கச் சிறிது நேரம்
ஆயிற்று.

எல்லாரையும் போல அதைக் கேட்டுக்கொண்டிருந்த அந்த மாணாக்கர்
அந்தக் கதை தம்மிடம் வந்து முடிந்தவுடன் திடுக்கிட்டார். அவர் கைகள்
கட்டவிழ்ந்தன. காலை மெல்ல நழுவவிட்டார். சரியானபடி வைத்துக்
கொண்டார்.

“பாடம் முடிந்த பிறகு பிள்ளைகள் வேறு வகுப்புகளுக்குச் சென்றார்கள்.
முன்னே குறிப்பிட்ட மாணாக்கர் என்னிடம் தனியே வந்து,
‘என்னை இப்படி அவமானம் பண்ணலாமா?’ என்று கேட்டார்.
‘உன்னுடைய தோற்றமும் நீ உட்கார்ந்திருந்த நிலையும் நன்றாக இருந்தன.
நான் மட்டும் பார்த்துச் சந்தோஷிப்பதில் என்ன பயன்? எல்லாரும் பார்க்க
வேண்டுமென்றுதான் காட்டினேன். அன்றியும், நீ அப்படியிருந்தது சமயத்திற்கு
நல்ல உபகாரம் செய்தது. இல்லாவிட்டால் நான் உதாரணம் சொல்ல
முடியாமல் விழித்திருப்பேன்’ என்றேன். அவர் பேசாமல் சென்றார்.”

-
====================================================
(படித்ததில் பிடித்தது)
‘டாக்டர் உ.வே.சா. அவர்களின் உரைநடை நூல்கள்’

பகிர்வுக்கு நன்றி ஐயா

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

ரஸித்த மாணவர்களின் குறும்புகள் ...வருடம் 1903

ரஸித்த மாணவர்களின் குறும்புகள் ...வருடம் 1903

Re: ரஸித்த மாணவர்களின் குறும்புகள் ...வருடம் 1903