வேண்டும் வேண்டும்

by **தமிழ்1981** Tue Aug 21, 2012 5:30 pm

மண்ணில் பிறந்த‌ எவ்வுயிரினையும்
நேசிக்கும் இதயம் வேண்டும்.......
துன்பத்தையும் இன்பமாய் ஏற்று
மகிழும் மனம் வேண்டும்..........

குழந்தைகளின் குறும்புகளை தன்னைமறந்து
ரசிக்கும் குணம் வேண்டும்......
மலர்களை பிடுங்காமல் அதனழகை
ரசிக்கும் பார்வை வேண்டும்...........

பெண்களை காமமல்லாது தாய்மையாய்
காணும் கண்கள் வேண்டும்...........
என்னுடனிருக்கும் நிழலையும் கண்டு
ரசிக்கும் தன்மை வேண்டும்.........

உண்டியல்களில் அல்ல‌ பசியாற்ற‌
மனிதர்க்கு தந்துவுதவ வேண்டும்........
கொடுமைக் கண்டால் ஒதுங்கிடாது
எதிர்த்திடும் வீரம் வேண்டும்..........

பிறர்துயரினையும் எம்துன்பமாய் நினைத்து
வருந்திடும் மனம் வேண்டும்.....
மொழியினை மறவாது உலகமொழிகளில்
தமிழினை வளர்த்திட‌ வேண்டும்.........

பெருமைக் கொள்ளாது அடக்கத்துடன்
அடிமையாகாது வாழ்ந்திட‌ வேண்டும்.......
அனைவருடனும் தூய‌ நட்பினை
காத்து வளர்த்திட‌ வேண்டும்........

வேண்டும் வேண்டும்
மகாத்மாவாய் அல்லாது
தெய்வமாய் அல்லாது
நல் மனிதனாய் வாழ்ந்திட‌ வேண்டும்

வாழும் வரையில்
நம்மை மட்டுமல்ல‌
நம் சமூகத்தினையும்
வளர்த்திட‌ வேண்டும்

உயிருடன் இருக்கும் வரைக்கும்
குருதியை தானமாய் கொடுத்திட்டு
மறைவுக்குப் பின்னும்

[u]விழிகளை கொடுத்துவுதவி
உலகினை கண்டிட‌ வேண்டும்
வேண்டும் வேண்டும் இறைவா
நான் கேட்ட எல்லாவற்றையும்
எனக்குத் தந்திடு இறைவா......என்
மனம் போல் வாழாது
பிறர் மனம் போற்ற‌
வாழும் வாழ்க்கை கொடு இறைவா......[/font]...