அகதியின் பாடல்......

by raja.sathiya Thu Aug 23, 2012 6:41 pm

யாழ்நகரில் என் பையன்
கொழும்பில் என் பொண்டாட்டி
வன்னியில் என் தந்தை
தள்ளாத வயதினிலே
தமிழ்நாட்டில் என் அம்மா
சுற்றம் ப்ராங்போர்ட்டில்
ஒரு சகோதரியோ பிரான்ஸ் நாட்டில்
-
நானோ
வழிதவறி அலாஸ்கா வந்துவிட்ட
ஒட்டகம்போல் ஓஸ்லோவில்
என்ன நம்குடும்பங்கள்
காற்றில் விதிக்குரங்கு கிழித்தெறியும்
பஞ்சுத் தலையணையா?
-
பாட்டனார் பண்படுத்தி
பழமரங்கள் நாட்டிவைத்த
தோப்பை அழியவிட்டு
தொலைதேசம் வந்தவன் நான்.
என்னுடைய பேரனுக்காய்
எவன் வைப்பான் பழத்தோட்டம்?

by **அ.இராமநாதன்** Fri Aug 24, 2012 2:53 pm

இப்பதிவு ரஸித்த கவிதை பகுதிக்கு மாற்றப்படவேண்டும்
--------------
இருபது வருடங்களுக்கு முன் ஜெயபாலன் என்ற
கவிஞரால் எழுதப்பட்ட கவிதை...இந்த வலியும் வேதனையும்
இன்றும் அப்படியே இருக்கின்ற சூழல்.
கடைசி வரியில் தெரியும் கோபமும் துக்கமும் கண்ணில்
நீரையும் இதயத்தில் இரத்தத்தையும் சிந்தவைக்கிறது. ..