நபிகள் நாயகத்தை இழிவுபடுத்திய அமெரிக்க திரைப்படத்தை தடைசெய்யக்கோரி

சென்னையில் அமெரிக்க தூதரகம் முற்றுகை ஏன்?

தமிழ்நாடு முஸ்லிம் முன்னேற்றக் கழகத்தின் தலைவர் ஜே.எஸ்.ரிபாயீ வெளியிடும் அறிக்கை:

முஸ்லிம்கள் தங்கள் உயிரைவிட மேலானதாக ஒவ்வொரு நொடியும் கருதிக்
கொண்டிருக்கும் அகிலத்தின் வழிகாட்டி, இறைத்தூதர் நபிகள் நாயகம் (ஸல்)
அவர்களை மிகமோசமாக சித்தரித்து திரைப்படம் தயாரித்துள்ளார் அமெரிக்காவின்
கலிபோர்னியா மாநிலத்தைச் சேர்ந்த யூத பயங்கரவாதி சாம் பாசைல்.

உலக அமைதியைக் கெடுக்கும் விதமாக நபிகள் பெருமானாரை இழிவுபடுத்தும்
விதமாக ஒரு திரைப்படம் தயாரித்து அதன் ட்ரைலர் காட்சிகளை கடந்தமாதம் 14ம்
தேதியில் இருந்து "யூ டியூப்' இணையதளத்தில் வெளியிட்டுள்ளார் சாம் பாசைல்.
தற்போது அந்தப் படத்தினை யூத இனவெறி அமைப்புகளும் மேற்குலக ஆக்கிரமிப்பு
சக்திகளும் பெரிதாக விளம்பரப்படுத்தி நபிகளாரின் புகழுக்கு களங்கம்
கற்பித்து வருகின்றனர்.

யூத பயங்கரவாதிகளின் இச்செயல் உலகம் முழுவதும் வாழும் முஸ்லிம்களின்
வேதனையை பன்மடங்கு அதிகப்படுத்தியுள்ளது. எகிப்திலும் லிபியாவிலும் முதலில்
தொடங்கிய எதிர்ப்பலைகள் மேற்கில் மொரோக்கோவில் தொடங்கி கிழக்கில் ஜகார்தா
வரை பரவி உலகப்பெரும் பெரும் போராட்டமாக உருவெடுத்து வருகிறது.

உலகமக்கள் - சமாதானம், சகோதரத்துவம் பேணி, போரில்லாத, வன்முறையற்ற,
இனவெறியற்ற உலகம் சமைக்க அரும்பாடுபட்டு வரும் நிலையில் ஒரு சிறு கூட்டம்
எதை செய்யக்கூடாது என்பது தெரிந்திருந்தும் எரிமலையின் மேல் மகுடி
வாசிக்கும் விபரீதத்தில் இறங்கியுள்ளது வன்மையாக கண்டிக்கத்தக்கது.





இதுபோன்ற இழிசெயலை நாடு இனம், நிறம், பாகுபாடு இன்றி அனைவரும்
கண்டிக்கவேண்டும். இந்திய அரசு இதுதொடர்பாக தனது கண்டனத்தை வலுவாகப் பதிவு
செய்யவேண்டும்.

அமெரிக்க அதிபர் தேர்தலின் பரப்புரைகள் பரபரப்பாக நடைபெற்று வரும்
வேளையில் அமெரிக்க அரசு இதுபோன்ற இழி பிறவிகளின் விஷயத்தில் முழு
எச்சரிக்கையுடன் செயல்பட வேண்டும். அதிபர் ஒபாமா இஸ்லாமிய உலகத்துடன் பழைய
தவறான புரிதல்களைக் களைந்து புதிய நட்புக்கு அழைப்பு விடுத்த கெய்ரோ மாநாடு
குறித்து அவரும் அவரது ஜனநாயகக் கட்சியும் இன்னமும் நினைவில்
வைத்திருப்பார்கள் என்றே எண்ணுகிறோம்.

உலக சமாதானத்தில், முஸ்லிம் உலகத்துடனான நட்பில் உண்மையில்
அமெரிக்காவுக்கும் அதிபர் ஒபாமாவாவுக்கும் அக்கறை இருக்குமானால், நபிகளாரை
இழிவுபடுத்திய சர்வதேச பயங்கரவாதிகளான சாம் பாசைல் மீதும், இறைவேதமாம்
குர்ஆனை தீயிட்டுக் கொளுத்துவோம் என வாய்நீளம் காட்டிவிட்டு அன்று
தலைமறைவானவனும் இப்போது நபிகளாரை கொச்சைப்படுத்தும் படத்திற்கு பகிரங்கமாக
பரப்புரை செய்யும் பயங்கரவாதியுமான டெரி ஜோன்ஸ் மீதும் கடும் நடவடிக்கை
எடுக்கவேண்டும்.

முஸ்லிம்களின் போராட்ட உணர்வைக் கொச்சைப்படுத்தி கருத்தினை வெளியிட்ட
அமெரிக்க வெளியுறவு அமைச்சர் திருமதி ஹிலாரி கிளிண்டன் பகிரங்க மன்னிப்பு
கேட்கவேண்டும். இதற்கான நடவடிக்கைகளில் அமெரிக்க அரசு விரைந்து நடவடிக்கை
எடுக்கவேண்டும்.

எரிமலைகளாக குமுறிக்கொண்டு இருக்கும் முஸ்லிம் சமூகத்தின் கொந்தளிப்பினை சர்வதேச சமூகம் அலட்சியமாக கருதிவிடக்கூடாது.

இந்திய அரசு உடனடியாக தனது கண்டனத்தை அமெரிக்க அரசுக்கு தெரிவிக்க
வேண்டும். யூ டியூப் இணையதளத்தில் இருந்து அந்த ட்ரைலரை நீக்கவேண்டும்.
முஸ்லிம் உலகின் கொந்தளிப்பை ஆறுதல்படுத்த அது ஒன்றே உடனடி தீர்வாக
அமையும்.

இந்நிலையில், நபிகள் நாயகத்தை இழிவுபடுத்தி திரைப்படம் எடுத்ததைத்
கண்டித்தும், சம்பந்தப்பட்டவர்கள் மீது கடும் நடவடிக்கை எடுக்கக்கோரியும்,
திரைப்படத்தை தடை செய்யக் கோரியும் தமிழ்நாடு முஸ்லிம் முன்னேற்றக்
கழகத்தின் சார்பில், சென்னையில் உள்ள அமெரிக்க துணைத் தூதரகத்தை
முற்றுகையிடும் போராட்டம் 14.09.2012 (வெள்ளி) அன்று மாலை 4 மணியளவில்
நடைபெறவுள்ளது. மேலும், இதே கோரிக்கைகளை வலியுறுத்தி தமிழகமெங்கும்
மாவட்டத் தலைநகரங்கள் மற்றும் பெருநகரங்களில் நாளை மாலை ஆர்ப்பாட்டங்கள்
நடைபெற உள்ளன.



அன்புடன்

(ஜே.எஸ்.ரிபாயீ)


Thanks [You must be registered and logged in to see this link.]

வல்லரசு என்றால் எதையும் சாதிக்கலாம் போல...

இந்தியாவும் வல்லரசாகப் போகிறதாம்...