ஹைக்கூ ஒரு புதிய அறிமுகம்..

by **அ.இராமநாதன்** Mon Sep 17, 2012 2:03 pm

-
திருக்குறள் அனைத்துமே ஹைக்கூ என்று ஒரு புலவர்
என்னிடம் சொன்னார். திருக்குறளின் குறிக்கோள் வேறு.
அதற்கும் ஹைக்கூவுக்கும் பொது நோக்கு இருந்தால்
அது சொற்செட்டு.
இருந்தும் திருக்குறள் காட்சிகள் சிலவற்றில் ஹைக்கூ
இருக்கிறது.
-
யான் நோக்கின்
நிலம் நோக்கும்
-
என்பதே நேரடி ஹைக்கூ. அதே போல்
-
பீலீ பெய் சாக்காடும் அச்சிறும் அப்பண்டம்
சாலமிகுந்தப் பெறின்
-
என்பதை,
'மயிலிறகு வைத்ததில் வண்டி சரிகிறது' என்று மாற்றினால்
ஹைக்கூ.
-
அதே போல்,
நெருநல் உளன்
இன்றில்லை

எனபது காட்சிப் பொருளாக விரிகிறது.
-
==============================================
சுஜாதா அவர்களின் ஹைக்கூ ஒரு புதிய அறிமுகம் -
என்ற நூலிலிருந்து.

by **அ.இராமநாதன்** Mon Sep 17, 2012 2:11 pm

-
கட்டுரையின் தொடர்ச்சி...
-----------------------
பழமொழிகளில் பல வாழ்க்கை அனுபவத்தைச் சுருங்கச்
சொல்வதால் பல வேளைகளில் ஹைக்கூ வடிவம் பெறுகின்றன.
கீழ்வரும் பழமொழிகளை யோசித்துப் பாருங்கள்:-
-------------
ஓணான்
வேலிக்கு இழுக்கிறது
தவளை
தண்ணீருக்கு இழுக்கிறது
-
கள்ளுக்கு இரண்டு
கருவாட்டுக்கு இரண்டு
-
மண்ணைக்கீறி
மண்ணிலே
படுத்திருக்கிறார்கள்
-
சத்திரத்தில்
சாப்பாடு
மண்டபத்தில்
படுக்கை
-
தீப்பட்ட
வீட்டிலே
கரிக்கட்டை
நிறைய
-
நவாப் அத்தனை ஏழை
புலி
அத்தனை சாது
-
துப்பட்டியில் கிழித்த
கோவணம்
-
ஓடிப்போனது
பெரிய முயல்
-
செத்த இடம்
புல் முளைத்தது
-
மெய்யென்று இருந்தேன்
முழித்தேன்
கனவு
-
மாவும் போச்சு
மாவு கட்டின துணியும்
போச்சு
-
முந்தானை இருக்கிறது
நாலு வீடு இருக்கிறது
-
(இவை எதற்கும் விளக்கம் தேவையில்லை)
==================================

by **கவியருவி ம. ரமேஷ்** Mon Sep 17, 2012 9:06 pm

மகிழ்ச்சி ஐயா...
நான் இந்தப் புத்தகத்தைப் படித்துவிட்டேன்...

புதிதாக ஹைக்கூ எழுதுபவர்களுக்கு தங்களின் பதிவு உதவும்...

ஹைக்கூ என்றால் என்ன என்பதைக் காட்டும்...

கொண்டாட்டம்