[You must be registered and logged in to see this link.]
Uploaded with [You must be registered and logged in to see this link.]

அந்திவேளை ஆதரவான தென்றலே!
சிந்தனை சிதறடிக்கும் பொழுதுகளில்
நாற்காலியை முற்றத்தில் போட்டு – உன்
ஸ்பரிசத்தில் உறைந்தபடி சுவாரசியமாக
நூல்களில் நுழைவேனே சுவைப்பேனே – என்னுடன்
ஒட்டி உறவாடிய நீ
எப்போது சூறாவளியாய் மாறினாயோ – பலர்
சோகங்களைச் சுமந்தாயோ அன்றுதொட்டு
காற்றே! உறவே! உன்னை நான் வெறுக்கிறேன்.
[You must be registered and logged in to see this link.]
Uploaded with [You must be registered and logged in to see this link.]

சூரியன் இளைப்பாறும் சொர்க்க வாசலை
கண்கள் சுவைக்க
தங்கமென மின்னும் அலைக்கரங்களை
மனது இரசிக்க
சங்கீதமாய் சலசலக்கும் ஓசையிலே
என்னை நான் மறக்க – என்
நெஞ்சம் உன்னோடு உறவாடி மகிழ்ந்ததே
கவிதைப்புயல் கடகடவென்று பிரசவமாகியதே – ஆனால்
எப்போது நீ பொங்கியெழுந்து
அப்பாவி உயிர்களை விழுங்கி ஏப்பமிட்டாயோ அன்றுதொட்டு
கடலே! உறவே உன்னை நான் வெறுக்கிறேன்.
[You must be registered and logged in to see this link.]
Uploaded with [You must be registered and logged in to see this link.]

கருத்தொட்டுக் கன்னியானேன் - நீங்கள்
வாழும்வரை வார்த்தை தவறவில்லை
பொங்கிப் பூரிக்கும் வயதினிலே
அந்தரங்க ஆசைகள் அசை போடும் பொழுதுகளில்
அன்பான தந்தை ஆதரவான தாயார்
சமுதாயக் கண்ணாடியில் தளும்பாது நடக்கும்
தரமான குடும்பம் தரமேதும் குறையாது வாழ
மனதுக்கு வேலி போட்டேன்
அன்புக்கு அடி பணிந்தேன் - உங்கள்
ஆசைகள் தீர்க்கப் பட்டங்கள் சுமந்தேன்
அத்தனையும் உங்களுக்காய் அர்ப்பணித்தேன் - என்
மடி தவழும் வாரிசு உங்கள் மடி தவழ வேண்டுமென்று
திட்டம் போட்டேன் கட்டளையிட்டேன்
கேட்டீரா! என் ஆசை தீர்த்தீரா!
கடமை முடிந்ததும் கடையேறி விட்டீரே!
பெற்றோரே! உறவே உங்களை நான் வெறுக்கிறேன்
[You must be registered and logged in to see this link.]
Uploaded with [You must be registered and logged in to see this link.]
கூடிக்கும்மாளமிட்டோம் கூடிப்பிறந்தோரிடம்
கூறாத இரகசியங்கள் கூறிப்பரிமாறினோம்
உள்ளொன்று வைக்கவில்லை
உடலிரண்டாய் உயிரொன்றாய் உலகில் வலம் வந்தோம்
வாழ்வின் உயர்வுக்கு வாழ்க்கைப் பொழுதுகள் தாரைவார்த்தோம்
இன்று நீ எங்கே?
நட்பே! உறவே! உன்னை நான் வெறுக்கின்றேன்.
[You must be registered and logged in to see this link.]
Uploaded with [You must be registered and logged in to see this link.]

நீயின்றி நானில்லை
என்னுயிர் உன்னுயிர் வேறல்ல
என் நிழலில் என்றும் நீ தொடர்வாய்
வாழ்வென்னும் வண்டிலைச் செலுத்தும் சக்கரங்களாவோமென
வாழ்வின் சாட்சியாய் முத்தாய்க் குழந்தைகளைப் பெற்றெடுத்தோம்
சக்கரத்தை உடைத்ததும் ஏன் சத்தியங்கள் மறந்ததுமேன்
துணையே! கணவனே! உறவே! உங்களை நான் வெறுக்கின்றேன்
[You must be registered and logged in to see this link.]
Uploaded with [You must be registered and logged in to see this link.]

பாசமெனும் நீரூற்றி பரிவு என்னும் ஒளி கொடுத்து
பாதுகாப்பெனும் காற்று வீசி வாழ்க்கையெனும் வேரூன்ற
வளமான வாழ்வை வாரிவழங்கி வளர்த்தெடுத்த சேய்
கண்டதே காட்சி கொண்டதே கோலமென
எம்மைக் கணக்கெடுக்கவில்லை
அன்பை வன்பாக்கினான் பாசத்தை மோசமாக்கினான்
அணைப்பை நெருப்பாக்கினான்
அனைத்தையும் தூசாக அர்ப்பமாக நினைத்து
காதலியருகிருக்க கடைக்கண்ணால் பார்வையிட்டு
காரிலே பாதையைக் கடக்கின்றான்
மகனே! உறவே! உன்னை நான் வெறுக்கின்றேன்

உறவுகள் வரலாம் மறையலாம்
வருவதும் மறைவதும் உறவுகள் இலக்கணம்
உள்ளத்து உரம் உறைந்தால் - வாழ்வில்
உயிருள்ள வரை சோர்வில்லை
மறதியுள்ள வரை சோகமில்லை.




[img][/img]

அருமையாக உள்ளது வரிகள் பாராட்டுக்கள்