இது கனவுகளின் நேரம் (ஹைபுன்கள்)

by **கவியருவி ம. ரமேஷ்** Thu Oct 25, 2012 8:46 am

இது கனவு(ஹைபுன்)களின் நேரம்.

இது நாம் காணும் கனவுகளின் பகுதி.

யார் வேண்டுமானாலும் தான் கண்ட கனவினை பதிவு செய்யலாம்.

இப்படி ஒரு பகுதியைத் தொடங்க எனக்கு வெகு நாட்களாகவே இந்த எண்ணம் இருந்து வந்தது. ஆனால் ஏதோ காரணத்துக்காக முடியாமல் போனது.

இன்று இரவு 3 மணி இருக்கும் என்பது இல்லை மூன்று மணிதான். திடீர் யோசனை. கனவு வந்து முடிந்த சமயம் அது. விழித்துக் கொண்டேன். கனவை கொஞ்சம் அசை போட்டேன்.

கனவுகள் ஏன் வருகிறது? ஏன் வர வேண்டும்? எப்படி வருகிறது? வருவதால் என்ன நன்மை தீமை? ... என்று நினைத்துக்கொண்டே இருக்கும்போதுதான்...

திடீரென ஓர் எண்ணம் உதயமானது. ஆமாம் எனக்கும் ஆச்சரியமாக இருந்தது. அந்த ஆச்சரியம்தான் ஹைபுன் கவிதை வடிவம். ஆமாம் நாம் காணும் காட்சிகள் (கனவுகள்) ஹைபுன் வடிவத்துக்கு ஏற்ற வடிவம் என்று மகிழ்ந்தேன். உடனே தோட்டத்தில் முதன் முதலாக இந்தப் பகுதியை தொடங்கிவிட்டேன்.

ஹைபுன் எழுதத் தெரிந்தவர்கள் கனவினை விவரித்துவிட்டு முத்தாய்ப்பாக இறுதியில் ஒரு ஹைக்கூவை எழுதுங்கள்... ஹைபுன் கவிதையாகிவிடப் போகிறது.

ஹைபுன் வடிவம் இதுதான்:

செறிவான உரைவீச்சில் முரணான நிகழ்வுகளை இணைத்தும், ஒரே விதமான சம்பவங்களை கோர்த்தும், அதற்கிணையான ஒரு செறிவான ஹைக்கூவோடு நிறைவு செய்வதே ஹைபுன் ஆகும். இன்னும் எளிமையாகச் சொல்வதானால், ஒரு துண்டு உரைநடை – அது கதை, கவிதை, வாய்மொழிச் சொல்லாடல் – உரையாடல், குறிப்புகள் மற்றும் விவரங்கள் அல்லது நாம் பார்த்த காட்சியாகவும் இருக்கலாம். இறுதியில் அதற்குப் பொருத்தமாக ஒரு ஹைக்கூ எழுத வேண்டும்.

இந்தப் பகுதியில் யார் வேண்டுமானாலும் கனவினை விவரித்து ஹைபுன் எழுதலாம். திருத்தங்கள் (கனவின் விவரிப்பில் அல்ல. இறுதியில் வரும் ஹைக்கூவில் மாற்றம்) தேவைப்படுமெனில் நான் திருத்தம் செய்கிறேன். ஹைக்கூ எழுதத் தெரியாது கனவினை மட்டும் நான் எழுதுகிறேன் என்றாலும் சரியே... நான் அதற்கு முத்தாய்ப்பான ஹைக்கூ எழுதிவிடுகிறேன்.

இங்கு கனவுகள் ஹைபுன் கவிதைகளாகட்டும்... வாழ்த்துகள்

by **கவியருவி ம. ரமேஷ்** Thu Oct 25, 2012 9:06 am

ம. ரமேஷ் ஹைபுன்

மலையின் உச்சியில் நான் மட்டும் தனித்திருக்கிறேன். தண்ணீர் தாகம். கையில் மினரல் வாட்டர் இல்லை. என்ன கடவுளே இது எனும் போது என் கிராமத்து விளையாட்டுத்திடலில் கபடி ஆடும் இடத்தில் ஒரே சப்தம். ஐயோ அவனுக்கு அடிப்பட்டுவிட்டதே... தண்ணி எடுத்துனு வாங்க... தண்ணீ எடுத்துனு வாங்க... பல கிலோ மீட்டர்களுக்கு அப்பால் மலை உச்சியில் இருக்கும் எனக்கு அவர்களின் சப்தமும் அழுகையும் கேட்கிறது. அவர்களின் உருவம் தெளிவாய் தெரிகிறது... இந்நாள் வரை கபடி ஆடாத ஒருவனுக்கு அடிபட்டிருக்கிறது. அவன் தண்ணீ குடிக்கும் நேரம் மழை பெய்து பாறையில் தண்ணீர் தேங்க நான் அதை அள்ளிக் குடிக்கிறேன்.

தாகம் தணிகிறது
காதல் தோல்வியின் பின்னும்
பிரிந்தவர்கள் சந்திப்பு

என்று ஹைக்கூ எழுதலாம் என்றால் இது வலிந்து எழுதுவதாகவே தோன்றுகிறது எனவே, மேற்கண்ட கனவுக்கான முத்தாய்ப்பான ஹைக்கூ இதுதான்:

தண்ணீருக்காக ஏங்குகிறது
பாவம் உலகம்
மரம் செடி கொடி

by **கவியருவி ம. ரமேஷ்** Fri Oct 26, 2012 8:49 am

எத்தனை கனவுகளை வேஸ்ட் செய்துவிட்டேன்... இனி கனவுகள் கவிதைகளாகும்...

by **அ.இராமநாதன்** Fri Oct 26, 2012 8:57 am

தன் பங்குக்கு..
------------------
எரியாத மின்விளக்கு
ஏளனம் செய்தது நாய்
தன் பின்னங்காலைத் தூக்கி!
-
========================
>வெ.இறையன்பு

by **ருக்மணி** Fri Oct 26, 2012 11:02 am

நேற்று இரவு தான் ஒரு கனவு வந்தது... இன்று காலை தோட்டத்தில் உலா வருகையில் இப்படி ஒரு திரி... நல்ல முயற்சி ரமேஷ்... வாழ்த்துக்கள்.. என் கனவை சொல்கிறேன்... சிறிது சின்ன பிள்ளை தனமா கூட தோனலாம்... என்ன பண்ண!!

தேர்வு தொடங்கி சற்று நேரம் கழித்தே தேர்வை அறையை தேடி ஓடி கொண்டு இருக்கிறோம் நானும் என் நட்பும்... ஒரு வழியாக தேர்வு அறையை கண்ட பின் தான் எனக்கு நினைவு வருகிறது.. என்னிடம் எழுதுகோல் (பென்) இல்லை என்று ... அதற்குள் தேர்வு கண்காணிப்பாளர் எங்களை காண என் நட்பிடம் எழுதுகோலை வாங்கிக் கொண்டு உள்ளே நுழைகிறேன்...

இப்போ இதை ஹைக்கூ எழுதினால்...

தேர்வின் பயம்
விரட்டுகிறது இன்றும்
கனவில் ...

தவறு இருப்பின் திருத்தம் சொல்லுங்கள் ரமேஷ்.. திரி வெற்றி பெற வாழ்த்துக்கள்

by **கவியருவி ம. ரமேஷ்** Fri Oct 26, 2012 7:48 pm

தேர்வின் பயம்
விரட்டுகிறது இன்றும்
கனவில் ...

இது எல்லோருக்குமான கனவும்கூட நானும் அடிக்கடி இப்படிக் கனவு கண்டதுண்டு...

எந்த மாற்றமும் வேண்டாம். நன்றாக இருக்கிறது... நிறைய எழுதுங்கள்... இந்தப் பகுதியில் கனவினை பதியுங்கள்... ஹைக்கூ பகுதியில் வாழ்வியலை - தாங்கள் நினைப்பதை ஹைபுன்னாக படையுங்கள்... வாழ்த்துகள்... திருத்தங்கள் தேவைப்படின் நான் செய்கிறேன்.

வாழ்த்துகள்...

அருமையான முயற்சி பாராட்டுக்கள் தோழரே

by **thaliranna** Fri Nov 02, 2012 9:03 pm

நல்லதொரு முயற்சி! வாழ்த்துக்கள்! [You must be registered and logged in to see this image.]

by **கவியருவி ம. ரமேஷ்** Thu Nov 22, 2012 8:06 am

வாங்கிக்கொடுத்த பொம்மையை மாலையில் பார்க்கிறேன். கை, கால், தலை, உடல் என்று வேறுவேறு இடத்தில் இறைந்து கிடக்கின்றன… அதட்டினால் குழந்தை கை தட்டிச் சிரிக்கிறது. என்ன இப்படிச் செய்கிறாளே என்று படுக்கையில் சாய்ந்தேன். என்னுடைய கை, கால், தலை, உடல் எல்லாம் தனித்தனியாக இருப்பதைக் கண்டு அலரியடித்துக் கொண்டு எழுந்தேன். அட… கனவுதானா?. அப்படி கனவு என்று விட்டுவிட முடியாது. சிதறிக்கிடந்த கை, கால், தலை, உடலை எல்லாம் திரும்ப இணைத்துவிட்டு நான் விளக்கை அணைத்துவிட்டு உறங்கினேன். குழந்தை சிரித்துக் கொண்டேயிருக்கிறது உறங்காமல்…

சிரிப்புச் சப்தம்
எட்டிப் பார்த்தேன்
குழந்தையுடன் பொம்மை

(வேறு எப்படியெல்லாம் எழுதலாம் என்பதற்காக சில எழுதியிருக்கிறேன். ஹைபுன் எழுதுபவர்களுக்கு உதவும் என்பதால்...)

சிரிக்கும் குழந்தை
உறங்கும் அப்பா
விழித்திருக்கும் பொம்மை

கடித்தப் பாம்பை
அடிக்க முடியவில்லை
கனவு

கை கால் தலை
சிதைந்தும் சிரிக்கும்
பொம்மையுடன் குழந்தை

கை கால் இணைகிறது
உயிர் பெறுகிறது
குழந்தையின் மனசு

© கவியருவி ம. ரமேஷ் ஹைபுன்கள்

[You must be registered and logged in to see this image.]அருமை

by **pakee** Thu Nov 22, 2012 9:06 pm

அருமை அண்ணா மிக்க மகிழ்ச்சி

by **அ.இராமநாதன்** Fri Nov 23, 2012 5:55 pm

[You must be registered and logged in to see this image.]
-
[You must be registered and logged in to see this image.]

by **thaliranna** Sat Dec 08, 2012 8:25 pm

[You must be registered and logged in to see this image.]

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

இது கனவுகளின் நேரம் (ஹைபுன்கள்)

இது கனவுகளின் நேரம் (ஹைபுன்கள்)

Re: இது கனவுகளின் நேரம் (ஹைபுன்கள்)

Re: இது கனவுகளின் நேரம் (ஹைபுன்கள்)

Re: இது கனவுகளின் நேரம் (ஹைபுன்கள்)

Re: இது கனவுகளின் நேரம் (ஹைபுன்கள்)

Re: இது கனவுகளின் நேரம் (ஹைபுன்கள்)

Re: இது கனவுகளின் நேரம் (ஹைபுன்கள்)

Re: இது கனவுகளின் நேரம் (ஹைபுன்கள்)

Re: இது கனவுகளின் நேரம் (ஹைபுன்கள்)

Re: இது கனவுகளின் நேரம் (ஹைபுன்கள்)

Re: இது கனவுகளின் நேரம் (ஹைபுன்கள்)

Re: இது கனவுகளின் நேரம் (ஹைபுன்கள்)

Re: இது கனவுகளின் நேரம் (ஹைபுன்கள்)

Re: இது கனவுகளின் நேரம் (ஹைபுன்கள்)