காயத்திரி அக்கா

by **அ.இராமநாதன்** Sun Oct 28, 2012 6:20 am

--
காயத்திரி அக்காவை ரொம்ப பிடிக்கும்
என் சோட்டு பசங்க எல்லோருக்கும்.
-

மாரோடணைத்த புத்தகங்களோடு பள்ளி சென்று திரும்புகையில்
ஜாமன்ட்ரி பாக்ஸிலிருந்து நெல்லிக்காய் தருவாள்.
கிணற்றடியில் நீர் இறைக்க
துணைக்கு நாங்கள் வேண்டும்.
சிரிக்க சிரிக்க கதைகள் சொல்லும் அக்கா
பேய்க் கதைகள் சொல்லி பயமுறுத்தும் வேளையில்
நா இருக்கேன் பயப்படாதீங்கடா என்பாள்.
அதிராமல் நடக்கவும்,
அழகாய் சமைக்கவும் கற்றுக்கொண்ட நாளில்
மாப்பிள்ளை பார்க்கத் தொடங்கினார்கள்.

திருமண கோலத்தில்
புதுவீட்டுக்குப் புறப்படுகையில்
அக்காவின் கண்கள் கலங்கியிருந்தாலும்
நா அடிக்கடி வருவேன்டா என்று
அவள்தான் ஆறுதல் சொன்னாள்.
மெல்ல ஊர்ந்த காரில் இருந்தபடியே
டாட்டா காட்டினாள் தெருமுனை தாண்டும்வரை...
-
அக்காவின் கிணற்றடி,
அக்காவின் சமையலறை,
அக்கா பதியமிட்டு வளர்த்த செம்பருத்தி
யாவுமே தனிமையில் வாடத் தொடங்கின
எங்களைப்போலவே...
அக்கா இல்லாத துயரங்களைத் தேக்கி.

காயத்திரி அக்கா Kavithai301

-
மறுவீட்டுக்கு வந்தவள்
அத்தானைப்பற்றிய கதைகளை சொல்லிகொண்டிருந்தாள்
கன்னம் சிவக்க சிவக்க...

பின்னொருநாளில் வந்தவள்
எதுவும் பேசாது திரும்பி சென்றது குறித்து
கதைகள் முளைக்கத்தொடங்கின
அக்கா தவறாமல் தலைகுளிப்பது குறித்து...

அதிராமல் நடப்பதோ, அழகாய் சமைப்பதோ
வகிடெடுத்து வாருவதோ
மறந்து போனவளாய் வந்த காயத்ரி அக்கா
எங்களோடு தங்கத் தொடங்கியபின்
திரும்பக் கிடைத்தன கிணற்றடி கதைகள்.
புரியாமல் இருந்தாலும் தலையாட்டுவோம் அக்காவுக்காக.

எப்போதும் நெஞ்சோடு அணைத்துக்கொள்ளும்
காயத்திரி அக்கா இப்போதெல்லாம்
வாஞ்சை பொங்க வயிரோடு அணைத்துக்கொள்கிறாள்.
-
===========================================
- நீரை.மகேந்திரன்
நன்றி: [You must be registered and logged in to see this link.]

by **கவியருவி ம. ரமேஷ்** Tue Oct 30, 2012 10:50 am

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

காயத்திரி அக்கா

காயத்திரி அக்கா

Re: காயத்திரி அக்கா

Re: காயத்திரி அக்கா

Re: காயத்திரி அக்கா