உனக்கும் எனக்குமான.......

by **vendraan** Thu Nov 15, 2012 6:03 pm

ஒவ்வொரு காலையும்
ஒவ்வொரு அந்தியும்
அறிந்திருக்கும்,

உனக்கும் எனக்குமான
அர்த்தமுள்ள பந்தத்தை
அர்த்தமில்லாமல் நாம் தேடுவதை

யாரோ என்றோ
நட்டு வளர்த்த கன்று
இன்று யாருக்கோ
பலன் தருகிறது.

நீயும் நானும் வளர்த்து
இணைய முடியாத அன்பில்,
நாளை நம்போல்
தொடரும் யாரேனுமாவது
இணையட்டுமே!

விட்டு பிரிந்ததனால்
உளறுகிறேன், இருந்தும்
விடாது தொடருகிறது
என்றும் உன் நினைவு

செத்து மடிவதற்கா
நான் பிறந்தேன்?
பித்து பிடித்தாலும் சரி,
ஜீவன் உள்ளவரை
உன்னை மறக்காது நினைத்திருப்பேன்.

பிடித்தபோது சாகும்
வரம் கிடைத்தால்,
நீ சாகும் நாளன்றே
நான் இறந்து
உன் சாம்பலோடு சாம்பலாக
கலக்கும் வரம் கேட்பேன்.