தேன் சிட்டு

by **அ.இராமநாதன்** Tue Nov 27, 2012 11:36 pm

-
பறவைகளைக் கூர்ந்து நோக்குதல் (bird watching)
என்பது ஒரு ஆனந்தமான பொழுது போக்கு.
-
காலை ஆறு மணிக்கு “கீ..வூ…கிக்வூ..கிக்வூ..” என்ற
சத்தம் கேட்டு படுக்கை அறையின் ஜன்னல் வழியே
எட்டிப் பார்க்கிறேன்.

இரண்டு சிறிய குருவிகள் ஒன்றை ஒன்று துரத்தியவாறு
பறந்து கொண்டிருக்கின்றன தோட்டத்தில் உள்ள ஒரு
செம்பருத்திச் செடியின் கிளைகளின் ஊடே.
-
சற்று நேரத்துக்குப் பின் அவை தனது நீண்டு வளைந்த
அலகு மற்றும் குழாய் போன்ற நாக்கைக் கொண்டும்
செம்பருத்திப் பூவிலிருந்து தேனை உரிஞ்சுகின்றன.
-
அவை பறந்து மலரை அடையும் போது, சில சமயம் ஒரே
இடத்திலும், சில சமயம் முன்னும், சில சமயம் பின்னுமாகப்
பறக்கின்றன.
-
தேன் சிட்டு ஒரு மலரில் உட்காரும்போது கிளை
வளைந்து குருவி தலைகீழாக திரும்பினாலும் அது தேன்
அருந்துவதை நிறுத்தாது.
-
அமெரிக்காவில் உள்ள ‘ஹும்மிங்க் பேர்ட்’ ரகத்தைச்
சேர்ந்த இப்பறவைகள், உருவத்தில் சிட்டுக்குருவியை
விடச் சிறியவை. ‘ஹம்மிங்க் பேர்ட்’ஐ விடப் பெரியவை.
பெண் குருவி பச்சை கலந்த பழுப்பு நிற இறக்கைகள்
மற்றும் தலை, முதுகையும் வெளிர் நிற அடிப்பாகத்தையும்
கொண்டது.

ஆண் குருவியின் தலை, கழுத்து இவை கரு நீலத்தில்
மயில் கழுத்து போன்று மின்னும். இறக்கையும் முதுகும்
கருமையாகவும் அடி முதுகுகரு நீலத்திலுமாகவும்
அடிப் பாகம் மஞ்சள் நிறமாகவும் இருக்கும்.
ஆங்கிலத்தில் இதன் பெயர் ‘பர்பிள் ரம்ப்ட் சன் பேர்ட்’
என்பதாகும்.
நம் நாட்டில் காணப்படும் சன் பேர்ட் கள் இருவகைப் படும்.
ஓன்று பர்பிள் சன்பேர்ட். மற்றொன்று பர்பிள் ரம்ப்ட்
சன்பேர்ட் என்பதாகும். இரண்டாவது வகையே நம்
தோட்டங்களில் சாதாரணமாகக் காணப்படும்.

முதல் வகையை ஸ்க்ரப் ஜங்கிள் என்று அழைக்கப்படும்
சிறு காடுகளில்தான் அதிகம் பார்க்கமுடியும்.
- -

தேன் சிட்டு File?id=dgvdhjwr_101cxdsg2db_b

தேன் சிட்டு File?id=dgvdhjwr_101cxdsg2db_b

-

பர்பிள் ரம்ப்ட் சன் பேர்ட் பெண் குருவி

-

தேன் சிட்டு File?id=dgvdhjwr_102dvcxc5d6_b

பர்பிள் ரம்ப்ட் சன் பேர்ட் ஆண் குருவி

-
பர்பிள் சன் பேர்ட் வகையின் ஆண் குருவி முற்றிலும்
கருநீல நிறத்தில் இருக்கும். அதன் கழுத்தும் தலையும்
மயில் கழுத்துப் போல மின்னும்.

-

தேன் சிட்டு File?id=dgvdhjwr_103ctq459dk_b

தேன் சிட்டு File?id=dgvdhjwr_103ctq459dk_b

பர்பிள் சன் பேர்ட் ஆண் குருவி

–
தேன் சிட்டின் கூடு செடிகளின் கிளைகளில் இருந்து
தொங்கிக் கொண்டிருக்கும். காய்ந்த சரகு, வேர்கள் இவற்றால்
சிலந்தியின் வலைத் துண்டுகள் கொண்டு ஒட்டப் பட்டிருக்கும்.

வெளியே ஆங்காங்கே சிறிய வெள்ளைக் காகிதத் துண்டுகளோ
அல்லது எட்டுக்கால் பூச்சியின் முட்டைகளைப் பாதுகாக்கும்
உறையோ (வெள்ளை நிறத்தில் சுமார் ஒரு சென்டிமீடர்
விட்டத்தில் வட்டமாக இருக்கும்) ஒட்டப் பட்டிருக்கும்.
இவ்வாறு செய்வது அழகுக்காகவா அல்லது கூட்டினை
எதிரிகளிடம் இருந்து பாதுகாக்கவா என்பது இப்பறவைகளைப்
படைத்த ஆண்டவனுக்கே வெளிச்சம். கூட்டிற்குள்ளே
செல்ல பக்கவாடில் சுமார் மூன்று அல்லது நன்கு சென்டிமீடர்
அளவிலான துவாரம் இருக்கும். அந்த துவாரத்திற்கு
ஒரு ‘சன் ஷேடும்’ அமைக்கப் பட்டிருக்கும்.

கூட்டின் கீழ் பாகத்திலிருந்து சிறிய காய்ந்த இலைச்
சரகுத் துண்டுகள் தொங்கிக் கொண்டு இருக்கும்.

கூட்டினைக் கட்டுவது பெண் குருவியே. ஆண் குருவியோ
தானும் விழுந்து விழுந்து வேலை செய்யும் பாவனையில்
கூடக் கூட பறந்து கொண்டிருக்கும்.

கூட்டின் உள்ளே பஞ்சு மெல்லிய வேர்த் துண்டுகள்
இவற்றால் மெத்தை அமைக்கப் பட்டிருக்கும்.
குழந்தைகளுக்கு உறுத்தக் கூடாதல்லவா?
-Vasudevan Tirumurti

======================================

அறிந்துக்கொள்ள தந்தமைக்கு நன்றி ஐயா

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

தேன் சிட்டு

தேன் சிட்டு

Re: தேன் சிட்டு