மாற்றுத்திறனாளிகள் தினம் ! கவிஞர் இரா .இரவி .

by **eraeravi** Tue Dec 04, 2012 9:00 am

மாற்றுத்திறனாளிகள் தினம் ! கவிஞர் இரா .இரவி .

இயந்திரக் கால்களால் ஓடினாலும்
இளகிய நெஞ்சம் கொண்டவர்கள்
மாற்றுத்திறனாளிகள் !

மனிதநேயம் மிக்கவர்கள்
உதவிடும் உள்ளம் பெற்றவர்கள்

மாற்றுத்திறனாளிகள் !

பாரலிம்பிக்கில்
பதக்கங்கள் வெல்பவர்கள்
மாற்றுத்திறனாளிகள் !

இருகைகளின்றி
வாயால் ஓவியம்
மாற்றுத்திறனாளிகள் !

இருவிழிகள் இன்றி

விரல்களால் கல்வி
மாற்றுத்திறனாளிகள் !

அங்கத்தில் இருக்கலாம் குறை
குணத்தில் இல்லை குறை
மாற்றுத்திறனாளிகள் !

கைகளை இழந்தபோதும்
நம்பிக்கை இழக்காதவர்கள்
மாற்றுத்திறனாளிகள் !

கால்களை இழந்தபோதும்
வளரும் நாற்றாங்கால்[b]கள்
[/b]மாற்றுத்திறனாளிகள் !

பார்வை இல்லாவிடினும்
இருக்கை பின்னுபவர்கள்
மாற்றுத்திறனாளிகள் !

நடக்க முடியாவிட்டாலும்
வாழ்க்கையில் வெல்பவர்கள்
மாற்றுத்திறனாளிகள் !

இயற்கை கால்களின்றி
செயற்கை கால்களால் சாதிப்பவர்கள்
மாற்றுத்திறனாளிகள் !

உடலால் சோர்ந்தாலும்
உள்ளத்தால் சோராதவர்கள்
மாற்றுத்திறனாளிகள் !

புறவிழி இல்லாவிடினும்
அகவிழி உள்ளவர்கள்
மாற்றுத்திறனாளிகள் !

துன்பத்திற்கு துன்பம் தந்து

இன்பமாய் வாழ்பவர்கள்
மாற்றுத்திறனாளிகள் !

உறுப்பை இழந்தபோதும்
உணர்வை இழக்காதவர்கள்
மாற்றுத்திறனாளிகள் !

சட்டத்தை மதிப்பவர்கள்
சகலகலாவல்லவர்கள்
மாற்றுத்திறனாளிகள் !

இலக்கியம் படை[b]ப்பவர்கள்
இனிய இதயம் பெற்றவர்கள்
[/b]மாற்றுத்திறனாளிகள் !

சக்கர வண்டியில் சென்றேனும்
வாழ்க்கை சக்கரம் உருட்டுபவர்கள்
மாற்றுத்திறனாளிகள் !

யாருக்கும் பாரமாக இருக்க
விரும்பாத உள்ளம் பெற்றவர்கள்
மாற்றுத்திறனாளிகள் !

தன்னம்பிக்கை மிக்கவர்கள்
தளாராத தேனீக்கள்
மாற்றுத்திறனாளிகள் !

குறையை நிறையாக்கி

குறைவில்லா உள்ளம் பெற்றவர்கள்
மாற்றுத்திறனாளிகள் !

முடங்காமல் முன்னேருபவர்கள்
சிதையாமல் சாதிப்பவர்கள்
மாற்றுத்திறனாளிகள் !

வாய்ப்பு வழங்கினால்

வெற்றிப் பெறுபவர்கள்
மாற்றுத்திறனாளிகள் !

வாழ்க்கையில் போராட்டம் நமக்கு
போராட்டமே வாழ்க்கை
மாற்றுத்திறனாளிகள் !