காணாமல் போகும் கடிதங்கள்

by **அ.இராமநாதன்** Thu Jan 03, 2013 1:02 pm

--
-
மங்கிய பார்வையுடன் மகனுக்கு
மனதில் இருப்பதைக் கொட்டி
எழுதும் அப்பாவின் ஆதங்க…
-
ஒழுங்காகப் படிக்கச் சொல்லி
புத்தி சொல்லும் அண்ணனின்
அக்கறையான அதட்டல்கள்…
-
ஆவலுடன் காத்திருக்கும் மனைவி -
‘எப்போது நாடு திரும்புவீர்கள்?’
எனக் கேட்டுவிட்டு கடைசியில்
இடும் வார்த்தை முத்தங்கள்…
-
பொங்கல் வாழ்த்துடன்
புதுக்கவிதை எழுதும்
நண்பனின் ஆர்வம்…
-
குடித்துவிட்டு கடிதம் எழுதும்
சித்தப்பாவின் பிதற்றல்கள்
-
ஜிலேபி பிழியலான எழுத்துடன்
அன்பையும் கொட்டும் அக்கா…
-
இதயப்படம் வரைந்து
இடையே அம்பு பாய
இளமைத்துள்ளலில் காதல்…
-
எல்லாமே காணாமல் போய் விட்டது
மின் அஞ்சலிலும், செல்பேசியிலும்..!
-
====================================
>மைதிலி நாராயணன், பெங்களூர்
நன்றி: வாராந்தரி ராணி