போதுமடி நீயெனக்கு!

by ரௌத்திரன் Thu Jan 10, 2013 4:43 am

போதும் பெண்ணே நீயெனக்கு- உயிர்
====போகும் வரைக்கும் நானுனக்கு!
வேதம் கண்ணே நீயெனக்கு- உடல்
====வேகும் வரைக்கும் நானுனக்கு!

பூஜை யறையின் விளக்காக- அடி
====நேற்று வரையில் நின்றவளே!
பள்ளி யறையின் விளக்காகி- என்
===பருவம் ஆள வந்தவளே!

முகத்தைப் பார்க்கும் முன்னாலே- என்
====இதயம் இதயம் நீபறித்தாய்!
முகத்தைப் பார்த்த பின்னாலோ- என்
====உயிரும் சேர்த்து நீபறித்தாய்!

உன்னைப் பார்த்த நொடியில்தான்- என்
====பிறவிப் பயனே பூர்த்தியாச்சு!
காதல் தேவன் சந்நிதியில்- அடி
====கண்ணீர் துளசித் தீர்த்தமாச்சு!

பட்டு வாயை நீதிறந்து- காதல்
====பாஷை கொஞ்சம் பேசிவிட்டால்
கொட்டும் அருவி போல்நெஞ்சில்- தமிழ்க்
====கவிதை துள்ளிக் குதிக்கிறது!

தங்கம் போலே காலெடுத்து- அடி
====தரையில் மெல்ல நீநடந்தால்
கொலுசின் ஓசை செவிபுகுந்து- என்
====இதயத் தாழைத் திறக்கிறது!

வெட்கம் நீயும் கொள்ளுகையில்- என்
====புலன்களின் பொறுமை தொலைகிறது!
வெட்கம் கெட்ட ஆசைகளில்- அடி
====பாவி நெஞ்சு அலைகிறது!

தேடி வந்த தேவதையே- அந்த
====தெய்வம் தந்த தாய்மடியே!
பாடி வந்த பூங்குயிலே- உயிரில்
====பாதி யானத் திருமகளே!

தோளில் சாயும் வேளையிலே-நான்
====தூக்கி வளர்த்த தந்தையடி!
மடியில் சாயும் வேளையிலே- உன்னை
====கருவில் சுமந்த அன்னையடி!

கையைப் பிடிக்கும் வேளையிலே- உன்னைக்
====காவல் காக்கும் அண்ணனடி!
மையல் கொள்ளும் வேளையிலே- உன்னை
====மார்பில் சாய்க்கும் மன்னனடி!

மனத்தில் அல்ல கண்மணியே- உன்
====முகத்தில் வாட்டம் வந்தாலும்
கணத்தில் உந்தன் காலடியில்- என்
====கிளியே கிளியே உயிர்துறப்பேன்!

தென்றல் உன்னைத் தொட்டாலும்- கண்ணே
====தூக்கில் அதனைப் போட்டிடுவேன்!
அத்து மீறல் என்றேதான்- நான்
====ஐ.நா. சபையைக் கூட்டிடுவேன்!

----------------ரௌத்திரன்

by **கவியருவி ம. ரமேஷ்** Thu Jan 10, 2013 6:49 am

ரௌத்திரன் wrote:

மனத்தில் அல்ல கண்மணியே- உன்
====முகத்தில் வாட்டம் வந்தாலும்
கணத்தில் உந்தன் காலடியில்- என்
====கிளியே கிளியே உயிர்துறப்பேன்!

----------------ரௌத்திரன்

இத்தனை நாளாய் எங்கிருந்தீ்ர்... தங்கள் படைப்பை ஆவலுடனே எதிர்ப்பார்த்திருந்தேன்... மகிழ்ச்சி

by ரௌத்திரன் Fri Jan 11, 2013 1:39 am

எனது முதல் படைப்பு "கண்ணதாசன் துதி" கண்ணதாசன் பதிப்பகத்தால் வெளியிடப்பட்டது (ஜனவரி 2012) என்பதை அறிவீர்கள் என்று நினைக்கிறேன்.

இப்போது இரண்டாவது படைப்பாகப் "பௌர்ணமி அலைகள்" கவிதைத் தொகுப்பை வெளியிட்டுவிட்டு வருகிறேன்.

மேலும் கொஞ்சம் அலுவல்கள் அதிகம். அதுதான் தோழரே!

---------------ரௌத்திரன்

by **கவியருவி ம. ரமேஷ்** Fri Jan 11, 2013 7:34 am

வணக்கம் நண்பரே... கண்ணதாசன் துதி புத்தகம் கண்ணதாசன் பதிப்பகங்களில் கிடைக்குமா... வாங்கிப் படித்துப் பார்க்கிறேன்... ஆய்வியல் நிறைஞர் பட்டத்துக்கு சரியாக இருந்தால் ஏதாவது ஒரு மாணவரை பல்கலைக் கழகத்துக்காக ஆய்வு செய்ய பரிந்துரைக்கிறேன்..

by ரௌத்திரன் Fri Jan 11, 2013 1:44 pm

"கண்ணதாசன் துதி--கண்ணதாசன் பதிப்பகம்--கவிஞர் ரௌத்திரன்"

கண்ணதாசன் பதிப்பகம் சென்னையிலும் மற்றும் கண்ணதாசன் பதிப்பகம் கிளை அலுவலகங்கள் அனைத்திலும் கிடைக்கும் தோழரே!

படித்துப் பாருங்கள். தகுதியிருப்பின் பரிந்துரையும் செய்யுங்கள். எனக்கு ஆட்சேபனை ஏதுமில்லை-----------ரௌத்திரன்

அருமை பாராட்டுக்கள் தொடருங்கள் தோழரே

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

போதுமடி நீயெனக்கு!

போதுமடி நீயெனக்கு!

Re: போதுமடி நீயெனக்கு!

Re: போதுமடி நீயெனக்கு!

Re: போதுமடி நீயெனக்கு!

Re: போதுமடி நீயெனக்கு!

Re: போதுமடி நீயெனக்கு!

Re: போதுமடி நீயெனக்கு!