முருங்கை

by **அ.இராமநாதன்** Thu Jan 10, 2013 2:42 pm

வட்டநிலா வடிவுபோல இலையிருக்கும் – நீ
வதக்கிவைத்து உண்ணும்போது ருசியிருக்கும்.
முத்துப்பல்லின் சிரிப்புப்போல பூவிருக்கும் – நீ
முழுமையாக ருசித்துஉண்ண பலமிருக்கும்.
-
மேளமடிக்கும் குச்சிப்போல காயிருக்கும் – நீ
மேதையாக ஒளிபெறவே வழிகொடுக்கும்
கொட்டையதை மருந்தில்சேர்க்கப் பலம்கொடுக்கும் – நீ
கொஞ்சியதை உண்டுவர நலம் கொடுக்கும்.

முருங்கை A4

-
பிசினியதன் வளமையினால் ஊக்கம்பிறந்திடும் – நீ
பாலில்கலந்து உண்டுவர நோய்களகன்றிடும்.
நாற்றிசையோர் கொண்டாடும் நல்லஉணவுதான் – நீ
நலம்பெறவே உண்டுவர ஜீவன்சக்திதான்.

என்னபுதிர் இதுவென்று கலங்கி நில்லாதே – நீ
எப்போதும் உண்டுருசிக்கும் முருங்கைதானே
கண்களுக்கு ஒளிகொடுக்கும் முருங்கையைப் போல
கண்டதுண்டா சொல்லுங்களே நலம்விரும்பிகளே.

===============================================

- முத்துக்குடா ம. விஜயன்

நன்றி: சிறுவர் மணி

by **கவியருவி ம. ரமேஷ்** Fri Jan 11, 2013 7:48 am

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

முருங்கை

முருங்கை

Re: முருங்கை

Re: முருங்கை

Re: முருங்கை