தெருவில் எரிந்த கற்பூரம்

by ரௌத்திரன் Sun Jan 20, 2013 2:31 am

இனம்படு பாட்டை எண்ணி
=====இமைபடு உறக்கம் கெட்டு
தினம்படு பாட்டி னாலே
=====தன்னையே எரித்துக் கொண்டான்!
வனம்படு முல்லை யொன்று
=====வீழ்ந்தது மரணக் காட்டில்!
மனம்படு பாட்டை எந்த
=====மொழியினால் உரைப்பேன் அம்மா!

ஈழமே சாக்கா டாகி
=====இனமுமே அழிவிற் பட்ட
ஓலமே எடுத்து வந்து
=====உரைத்திடக் கடல லைகள்
நாளமே துடிது டித்து
=====நல்"முத்துக் குமரன்" என்பான்
நாளுமே பட்ட துன்போர்
=====நாளிலே முடித்துக் கொண்டான்!

தன்னுடல் கருக்கும் தீயைத்
=====தமிழர்க்கோர் தீபம் என்றான்!
தன்னுடல் கொரிக்கும் தீயைத்
=====தமிழர்க்கோர் விடியல் என்றான்!
தன்னுடல் எரிக்கும் தீயைப்
=====புரட்சியின் தீபம் என்றான்!
என்னுடல் நடுங்கு தம்மா
=====எவனவன் இவனுக் கீடு?

உரிமைகள் இருந்தும் கூட
=====உவப்புறு தமிழர் என்றும்
பிரிவினை பேச வில்லை
=====பிரிக்குமோர் நினைப்பும் இல்லை!
ஒருமையில் நெஞ்சம் வைத்து
=====ஒற்றுமை காக்க நின்றும்
சிறுமையில் பிறந்து வந்த
=====சிங்களர் மறுத்தார்; ஏனும்

சிங்கள இனத்தை நாங்கள்
=====சிதைத்திட நினைத்தோ மில்லை!
"எங்களுக் கென்றோர் தேசம்"
=====அதையுமே ஏற்றா ரில்லை!
பங்கிடா உரிமை யாலே
=====புரட்சிகள் வெடிக்கும் என்ற
மங்கிடா உண்மை தன்னை
=====மடையர்க்குப் புரிய வைப்போம்!

எரிந்தவா "முத்து"! உன்போல்
=====எவருமே எரிதல் வேண்டாம்!
எரிந்தது போதும்; ஆமாம்
=====வாழ்வொடு வயிறும் இங்கே!
புரிந்துமே தியாகம் கோடி
=====புன்மதி அசையா தென்றால்
எரிவதில் லாப மில்லை
=====எரிப்பது ஒன்றே நீதி!

(தமிழினத்திற்காக தீக்குளித்த தோழர் முத்துக்குமாருக்கு ஈது சமர்ப்பணம்)

------------ரௌத்திரன்

by **கவியருவி ம. ரமேஷ்** Sun Jan 20, 2013 11:08 am

அழகாக - அழுத்தமான நீதி. பாராட்டுகள் நண்பரே... தங்கள் கவிதைகள் அனைத்தும் சிறப்பு... சமூகம் பல விதங்களில் திருந்த வேண்டும்... தங்கள் படைப்புகளை நூலாக வெளியிடுங்கள்...

by ரௌத்திரன் Mon Jan 21, 2013 12:16 am

கவியருவி ம. ரமேஷ் wrote:அழகாக - அழுத்தமான நீதி. பாராட்டுகள் நண்பரே... தங்கள் கவிதைகள் அனைத்தும் சிறப்பு... சமூகம் பல விதங்களில் திருந்த வேண்டும்... தங்கள் படைப்புகளை நூலாக வெளியிடுங்கள்...

அதற்கான முயற்சிகளும் நடந்து கொண்டுதான் இருக்கின்றன தோழரே!

எனது முதல் படைப்பான "கண்ணதாசன் துதி"க்குப் பிறகு இப்போது

இரண்டாவது படைப்பாகப் "பௌர்ணமி அலைகள்" இவ்வாரம் வெளியாகிறது.

இதன்றியும் இன்னும் 5 படைப்புகள் அச்சேறக் காத்திருக்கின்றன!

---------ரௌத்திரன்

[You must be registered and logged in to see this image.]

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

தெருவில் எரிந்த கற்பூரம்

தெருவில் எரிந்த கற்பூரம்

Re: தெருவில் எரிந்த கற்பூரம்

Re: தெருவில் எரிந்த கற்பூரம்

Re: தெருவில் எரிந்த கற்பூரம்

Re: தெருவில் எரிந்த கற்பூரம்