ம. ரமேஷ் ஹைபுன் – 15

by **கவியருவி ம. ரமேஷ்** Sat Jan 26, 2013 5:25 pm

தேசிய நதி நீர் இணைப்பு சாத்தியமில்லை… மாநிலத்திற்குள் ஓடும் நதி நீர் இணைப்பும் சாத்தியமில்லை. இதையெல்லாம் விடுங்கள்… பக்கத்து கிணற்று நீர் அந்தச் சாதியினருக்கும் இந்தச் சாதியினருக்கும் இல்லை… சரி பக்கத்து ஆழ்த்துழைக் கிணறு நீர்கூட வழிப்போக்கருக்கு இல்லை… நல்ல பண்பாடு போங்கள்… ஒரு கிளாஸ் தண்ணி 2 ரூபாயாகிவிட்டது.

யார் கமலண்டத்துக்குள்
அடங்கிப் போனது
காவிரி நதி நீர்

(இப்படியும் எழுதலாம்… புதியதாக எழுதுபவர்களுக்கான மாதிரி இது:

எந்தச் சாதியினருக்கும்
இல்லை என்று சுரக்கிறது
கிணற்று நீர்

அரசியல்வாதிகளைப்போல்
வளைந்து வளைந்து செல்கிறது
ஏதும் அறியாத நதிகள்

கிணற்றை எட்டிப்பார்த்து
ஏமாற்றத்துடன் திரும்பியது
வெண்ணிலவு

மோர் தயிர்
தந்த பண்பாடு
தண்ணீரை மறைக்கிறது

by **அ.இராமநாதன்** Sat Jan 26, 2013 5:39 pm

ஒரு 15 ஆண்டுகளுக்கு முன்பு தண்ணீரை பிளாஸ்டிக்
பாக்கெட்டுகளிலும், பாட்டில்களிலும் எதிர்காலத்தில்
அடைத்து வைப்பார்கள். அதை காசு கொடுத்து வாங்க
வேண்டியிருக்கும் என்பதை நாம் கற்பனை கூட
செய்திருக்கமாட்டோம்.
-
ஆனால் அது இன்று நடைமுறை ஆகிவிட்டது.
-

நமது நாடு தண்ணீர்ப் பற்றாக்குறையிலிருந்து விடுபட
வேண்டும் என்றால் நதி நீர் இணைப்பு மிக மிக அவசியம்
-