உனக்காக மட்டும் என் காதல் - தமிழ்நிலா

by **கவியருவி ம. ரமேஷ்** Tue Jan 29, 2013 2:00 pm

நான் போக
பல தெரு இருக்கிறது ..
நான் தொடர
பல மதம் இருக்கிறது..

நான் காதலிக்க
நீ மட்டும் தானே இருக்கிறாய்...!

- - - - - - - - - - - - - - - - - -

நான் நடந்த தெருக்களில்
கற்கள் மட்டுமே
காத்துக்கிடந்தன....
நீ பூக்கள் வீசிவிட்டு
சென்று விட்டாய்...

என் கால்கள்
உன் தெருநோக்கியே...!!

- - - - - - - - - - - - - - - - - -

காதல் வானில்
வானவில்லின் தடத்தில்
மேகங்கள் அகப்படுவது போலே

உன் அன்பு வலையில்
விரும்பி தான்
மாட்டிக்கொண்டேன்..!!

- - - - - - - - - - - - - - - - - -

காலம் காதில்
சொல்லிப்போனது
எனக்கு
காதல் யோகம் என்று...

உன்னை பார்த்தபிறகு...

- - - - - - - - - - - - - - - - - -

உன்னை பார்க்க நான்
உன் தெருவுக்கு வரமுன்
நீ வாசலுக்கு வந்துடுவாய்..

என்னை முதல் பார்த்துவிட
வேண்டும் என்று....!!

by **கவியருவி ம. ரமேஷ்** Tue Jan 29, 2013 2:01 pm

என்னை பார்த்த பின்
தலை குனிகின்றாய்..
அன்பே

நீ வெக்கப்படும் அழகை
நிலம் தானே பாக்கிறது...!!

- - - - - - - - - - - - - - - - - -

அசையும் பூவே
உன் பின்னே பல கோடி
வண்ணத்து பூச்சிகள்
ஒரு நொடி கூட நிக்காதே...

தேன் எடுக்க துடிக்கின்றன...!!

- - - - - - - - - - - - - - - - - -

பூக்களின் காட்டுக்குள்
வாடாத பூவாம் நீ...!!
உன் பாவாடைப் பூக்களிலே

தேன் உள்ளதாம்
உண்மையா...?

- - - - - - - - - - - - - - - - - -

அன்பே
கடனாக ஒரு
முத்தம் தருவாயா...

தவணையடிப்படையில்
வட்டியுடன் தருகின்றேன்...

- - - - - - - - - - - - - - - - - -

உன்னிடம் ஒரு முத்தம்
வாங்க பலமுறை
கெஞ்ச வைக்கிறாய்,

என்னிடம் மட்டும்
கண்களால் வங்கிவிடுகிறாய்
அது எப்படி...!!

by **கவியருவி ம. ரமேஷ்** Tue Jan 29, 2013 2:02 pm

நீ தந்த முத்தத்தில்
உன் மூச்சு என்னில்
நிரம்பி விட்டது..

இப்போது உன் மூச்சில்
நான் வாழ்கிறேன் ..!!

- - - - - - - - - - - - - - - - - -

வங்கிப் பெட்டகத்திலும்
இனி இடம் இல்லையாம்
என்ன செய்வது...??

நீ தரும் முத்தங்களை
சேமித்து வைப்பதற்கு....!

- - - - - - - - - - - - - - - - - -

எத்தனை முறை
உன்னை பார்த்தாலும்
முதல் முறை கண்ணீருடன்
பார்த்த அந்த நாள் மறக்காது....

எல்லா நாளையும் விட
அன்று தான்
அழகாய் இருந்தாய்...!!

- - - - - - - - - - - - - - - - - -

இதுவரை என்னால்
கண்டுபிடிக்க
முடியவில்லை...!!
கண்களில் கண்ணீருடன்
உதட்டில் சிரிப்பை
எப்படி வரவைத்தாய் என்று...

- - - - - - - - - - - - - - - - - -

அதிகாலை
நீ குளிக்க வருகையில்
நிலவு உன்னை
பின் தொடர்கிறது..
சூரியன் அதை
வழி மறிக்கின்றது...

அப்பாடா என்கிறது
என் மனம்..

by **கவியருவி ம. ரமேஷ்** Tue Jan 29, 2013 2:02 pm

- - - - - - - - - - - - - - - - - -

கங்கை கூட உன் வீட்டு
கிணற்றில் சங்கமிக்கிறதாம்...
நீ குளிக்கையில்
உன்னில் குளித்திட..

பார்த்தாயா நீருக்கும்
உன்னில் ஆசையடி...
- - - - - - - - - - - - - - - - - -

தினம் நீ குளிப்பதால்
அழகு வருவதாக நினைக்கிறாய்.
எனக்கு மட்டும் தான் தெரியும்
அழகு கரைகின்றது என்று..!!

வாழை மரங்களை பார்
சிவந்து விட்டன..
நீ குளித்த நீர் குடித்து....!!
- - - - - - - - - - - - - - - - - -

என் கண்களால்
கண்டுவிட்டேன்...
வேலி மரங்களும்
கண்கள் முளைத்து விட்டது,

கிணத்தடியில் மட்டும்
ஆடைகளை மாற்றாதே..
- - - - - - - - - - - - - - - - - -

இந்த உலகத்தில்
கொடுத்துவைத்தது
ஆடை மாற்றும்
கண்ணாடி தான்...

அந்தரங்கத்தை அடிக்கடி
பார்ப்பது அது தானே...
- - - - - - - - - - - - - - - - - -

உன் வீட்டு கொடியில்
காய்கின்ற உன்
உடைகளுடன்
சேர்ந்து தொங்குகின்றது

by **கவியருவி ம. ரமேஷ்** Tue Jan 29, 2013 2:03 pm

சாமி கும்பிட நீ போனால்
கல்லுக்கே கண் வருகிறது..
கை கூப்பி நீ தொழுகையில்
உன்னையே தொழுகிறது...

தேவர்களுக்கும்
நீ தான் தேவதையாம்...!!

- - - - - - - - - - - - - - - - - -

சாப்பிட நீ உட்கார்ந்தால்
சாப்பாட்டுக்கே
பசியெடுத்து உன்னையே
உண்டுவிட துடிக்கிறது...

உன் எச்சில் பட்டால்
விசமும் அமுதமாகுமடி..!

- - - - - - - - - - - - - - - - - -

என் தோளில் தூங்க
ஆசை என்பாய்...
உனக்கு தெரியாதா

அது தான் உனக்காக
நான் வைத்துள்ள மஞ்சம்...!!

- - - - - - - - - - - - - - - - - -
எனக்கு இப்போது
இரண்டு செல்லங்கள்..
ஒன்று நீ... மற்றையது
தொலைபேசி...

தொலைவில் உள்ள
உன் செய்தி கொண்டுவருவது
அது தானே...!!

- - - - - - - - - - - - - - - - - -

தொலைபேசி அலாரத்தைவிட
அதிகம் அடிப்பது
என் இதயம் தான்....

உன் காதல் கடிதம்
இதில் தானே வருகிறது..!